السادة الاعضاء أرجو رايكم في الموضوع التالي

بعد موجة عد الاستقرار الي كانت في المنتدي
اتضح انه في اعضاء في المنتدي بتدور علي المصالح الشخصية
حتي ولو علي حساب مصلحة البلد و مصلحة المنتدي أو علي حساب المصلحة العامة
وللاسف كلنا مشتركين في هذا الخطأ ادارة واعضاء لاننا تركنا الموضوع العام والمصلحة العامة ومصلحة البلد وهي اننا نجتمع علي راي واحد أيا كان وبدأنا نرد علي هؤلاء أصحاب المصالح الشخصية لدرجة انهم بدأو في الهجوم علي بعض الاشخاص وتحولت كل الموضوعات
من مصلحة عامة الي مصلحة شخصية
وكان من المفروض علينا جميعا عدم اعطاء اي احد الفرصة ليستخدم المنتدي لتحقيق مصالح شخصية ايا كان وخصوصا انه معبر عن وجهة نظر الاعضاء بداخله ومعظمهم من شباب السنابسة الواعي وكمان لانه المنتدي أصبح ليه شعبية كبيرة داخل البلد والعديد من الاشخاص بتابعه

ولذلك استشيركم جميعا في الموضوع التالي
أولا استبدال كل الموضوعات القديمة التي بها كل الاختلافات بمواضيع جديدة نبدأ فيها من جديد نحو حرية ابداء الراي الذي يكون في مصلحة البلد عامة .
ثانيا : أي عضو يكتب مساهمة لايريد منها المصلحة العامة ويريد اثارة الفتنة وتحيق مصالحه الشخصية يتم حذف المساهمة ولا يرد عليه أحد حتي لا يعود الي ذلك من جديد
ثالثا : اننا نشوف ايه الاخطاءالي وقعنا فيها قبل كده ونحاول نتلاشاها ونصبح من الان يد واحدة علي كل الاراء .
وأخيرا اي حد ليه اعتراض علي موضوع يقوم بكتابته في قسم اقتراحات وشكاوي الاعضاء
وليس في الموضوع نفسه حتي لا يتم تشويه الموضوع ونضطر لحذفه كله كما حدث

واخيرا أرجو ان نعرف اننا اخطأنا فيما سبق ويجب الا نكرر نفس الخطا
ومنتظر ردكم علي ذلك

السلام عليكم

بعد الدراسه العميقه للموضوع واقتناعى بوجه نظر محمد فوزى

انه لابد لنا من ان نجتمع سويا

استأذنكم فى العوده الى المنتدى من جديد وخصوصا من عماد ابو الحمد وبطلب منه العوده الى المنتدى عشان ان شاء الله هنبدأ نتغير من جديد بعد ما وضحت كل المسائل امام الناس وعرفنا مين الى بيبدأ يستفزنا عشان مصلحته الشخصيه بس
وعرفنا كل الشخصيات الى دخلت لمنتدى لتقود المنتدى والاعضاء الى سكه لا تثمن ولا تغنى من جوع وان شاء الله اخطائنا فى الانسياق وراء هؤلاء الاشخاص ستتغير
لازم نتغير احنا عشان هما من المؤكد انهم مش هايتغيروا بعد محاولاتنا العديده اننا نرجعهم لطريقنا سياستنا الفتره الى جايه عدم لانسياق وراء بعض الاشخاص للحصول على مكاسب شخصيه قد لا تتحقق من الاساس
وشكرا لقبولكم لى من جديد

وانا موافق
على أي حاجة تخلينا حضاريين وواعين وعلى قلب رجل واحد
من أجل الوقف والسنابسة تهون كل حاجة

بس موضوع الانسحاب مش كويس الناس اللى قالت هنسحب
الانسحاب مش حل للمشاكل المهم انا هطرح موضوع وعاوز رد
كل الاعضاء اللى على المنتدى مؤيدين ومعارضين يعنى زى استفتاء

ياريت يا استاذ أحمد لو الموضوع عن الانتخابات تستني شوية علشان الامور تهدئ

وموضوع الانسحاب كان لاسباب معينة والحمد لله انتهي

اقولك ايوه كدا يا وليد وان شاء الله الى الامام

ولا ايوه كدا ياوديع هو ده الشغل اخيرا فهمتنى
Laughing

حاضر انا موافق يامحمد يافوزى نكتب مواضيع عامة دلوقتى ونخلى الانتخابات قدام شوية

السلام عليكم ورحمة الله وبركاته
لا أعرف سبب تلك العصبية لتي تعتري البعض وهجوم البعض علي الآخرين هو رأي أكتبه سواء كان متفقا مع بعض الآراء أو مختلفا مع البعض الآخر
عموما أنا بس عاوز أسأل المتر أحمد أو (ايه معني طري) لو أنني تجادلت معك لزادت الأمور سوءا لكنني أحترم رأيك ولكل آراءه ومعتقداته ولا يجب علي أن أملأ الدنيا صراخ وضجيج كي يُسمع رأيي وصوتي لكنني أجبر الآخرين علي احترامي من خلال احترامي لهم
وشكرا ليك ولرأيك

ياعمووووور انت عارف انك انت حبيبى وخالد اخوك اكتر من اخ
بس للاسف انا كنت عاوز اعرف شىء عنك على الساحة السياسية
وعر فتة خلاص انا مش قصدى اجرحك ولا ارمى عليك كلام
بس انا كنت اتمنى زى ما ألفاظك حلوة وكلماتك معبرة وشيقة
كنت اتمنى تكون دماعك كبيرة وافقك واسع وبليغ سياسيا
عشان اقدر اعتمد عليك واقدمك بصورة اللى انا رسمتها
لعموووووووووووووور حبيبى بس غيرها فى غيرها
وربنا يوفقنا جميعا ومتخليش حد يستفزك عشان ميغلطكش

الموضوع صاحب المشاكل اتقفل ودى صفحه اسمه
(الساده الاعضاء ارجو رايكم فى الموضوع التالى)
انتو ناس كبار ومتعلمين وعلى فكره انا هابدأ اغير راى فى المتعلمين حاسس انه فى متعلمين مش متعلمين
كفاه عيب عليكم زهقتونا

السلام عليكم جميعا
لفت إنتباهي جملتين كتبهما الأخ وليد ومروا عليكم مرور الكرام
الجملة الأولي "وشكرا لقبولكم لى من جديد " هذه الجملة لا تخرج إلا من شخصية في قمة الرقيِّ والأحترام
فيا أخي الفاضل لم يصل المنتدي بعد لمرحلة الأستغناء عن أحد وأعتقد أن جميع الأعضاء المتواجدين حاليا أعتبرهم مؤسسين للمنتدي ولا ننسي أن عدد الأعضاء الفاعلين يعد علي أصابع اليدين أن لم يكن أصابع اليد الواحده ,,,,,,,, أعتقد انه يتوجب علينا نحن ياوليد أن نقول لك شكرا لرجوعك الي المنتدي ,,,,,,, علي فكرة كنت سألحق بك
الجملة الثانية " هابدأ اغير راى فى المتعلمين حاسس انه فى متعلمين مش متعلمين " لسه هتبدأ تغير رأيك ،،،،،،،، أكثر شيء يحزنني في البلد " بعض " المتعلمين عزيمتهم ضعيفة وسقف طموحهم منخفض جدا وفكرهم للأسف مضمحل ولا أقول اكثر من ذلك

» السادة الاعضاء جاءنا البيان التالي " وصول م / حمادة مرسي من السعودية "
» السادة الاعضاء هل تريدوا المصلحة العامة ان هناك مطالب اخري ( أرجو الدخول )
» السادة الاعضاء الكرام هنا لتسجيل اسماء الاعضاء الذين يريدون الانضمام الي المسابقة الثقافية الاولي