السادة الاعضاء هل تريدوا المصلحة العامة ان هناك مطالب اخري ( أرجو الدخول )

انا معاك يا محمد والكلام اللى انتا قولته ده انا قولته كتيير قبل كدا بس لا استجابه له كأنك بتنفخ فى قربه مخرومه زى مبيقولوا

يستخدم تعبير كرة الثلج للدلالة على تطورات تتزايد وتتراكم ملتصقة بعضها بعض، تتحرك جامعة حولها نتف الشوائب الباردة لتصبح في النهاية كرة عملاقة كبيرة. ذكرت هذا التشبيه وأنا وانا أراجع ما آل اليه حال المنتدي في الفترة الأخير في البداية كنت متخيل انها سحابة صيف وسوف تمر ولكن الموضوع اخذ أكثر من حجمه وصل الحال إلي أن البعض تهرب من مسؤلياته واستسلم للموقف وفي هذه الحالة الإستسلام أكثر ضررا من المشكلة نفسها
وللتوضيح اري أن هذه المشكلة أخذت أكبر من حجمها لعدة اسباب أولها وقد يسيء البعض فهمي في ذلك وقد يتضايق مني الآخرون ولكن كما تعودت معكم علي الصراحة بدون التجريح في أحد أقول سبب زيادة المشكلة ضعف الهيكل التنظيمي للمنتدي وأقصد بذلك لم يستخدم الأداريون الصلاحيات المعطاه لهم وكأن تلك الصلاحيات هي تشريف وليست تكليف وهذا موجود للأسف في أغلب المنتديات الأقليمية " هنا دشنا - منارة دشنا "
في وقت محدد كان يجب بدلا من دعوات تهدئة الحوار وقف الحوار أما وقف الحواربعد كل ذلك فقد تأخر كثيرا ولا ألوم علي الأخ عماد رده عليكم وانسحابه من المنتدي
كان يمكن تحويل الموضوع بالتدريج بداية من حذف المساهمة غير الائقة مرورا بإيقاف العضو وهذا ما لم يحث مما أدي الي تكون كرة السجل ولم نجد علاجا غيرحذف الموضوع
ثانيا يجب ان نتحلي بآداب الحوار ولا ننساق وراء الأهواء ويسموا تفكيرا وأن نتعلم أن نختلف بعقلانية
علي كل حال للموضوع بقية ان كان في العمر بقية إن لم ألحق بالأخ عماد
ولكم مني سلام

يجب ان نكون متفهمين للموضوع والتفكير فية بجدية حتكون مسيرة المنتدى جميلة ويكون بمثابة انة شباب البلد يتعرف على بعضة وليس لأي حسابات أخرى

المفروض نغير اسم المنتدي لشعبان علي صفيح ساخن
ههههههههههههههههههههههههههههههههههههههههههه
شر البلية ما يضحك

محمد فوزي كتب:

يا استاذ مصطفي علشان تكون عارف اولا موضوع الصلاحيات ده احنا مش بلنجأله غير في الضرورة القصوي والمواضيع الي مش بتحتمل التأجيل
ولكن موضوع الانتخابات الاخير الي عليه المشكلة حاولنا كثيرا تهدئة الامور بكافة الطرق الودية وبكافة كلمات التهدئة وقد تكلم أكثر من شخص علي الموضوع ده بداية من الاستاذ وليد أبو الشيخ للاخ عمرو للاستاذ عماد بس المشكلة كل ما الموضوع يبدأ يهدي ونعود للطريق الصحيح تجد بعض الاعضاء يتطرق بمشكلة أخري بعيدة عن الموضوع ويتوالي الاعضاء في الرد عليه وبذلك كان اسلم حل لتهدئة الاعضاء هو قفل الموضوع مؤقتا علشان الاعضاء تتريث في الرد
وللعلم الموضوع متحذفش علشان محدش يزعل ويفتكر اننا ضيعنا مجهوده
وكمان بالنسبة للاستاذ وليد والاستاذ عماد خليهم عليا أنا وأنا واثق انهم هيرجعوا تاني وده علي مسؤليتي أنا الخاصة
وياريت ننسي الي فات ونبدأ الموضوع من جديد علشان نتحرك صج

انته مش شايف اللي حصل ده يا ا / محمد من الضرورة القصوي ومن الأشياء التي لا تحتمل التأخير
ده المنتدي آسف غرفة الشات التي تضم 10 أشخاص كانت علي وشك الأنهيار معذرة مرة ثانية في القسوة في الرد لكن أعتقد مصلحة المنتدي أكبر من مصلحة أي شخص واستمرار المنتدي مفخرة لنا جميعا وفي حالة وجود اي شخص ايا كان حاول ان يجر المنتدي الي طريق غير محسوب وجب علينا أن نعيد التصحيح وأخذ الفعل المطلوب للحفاظ علي طاقة النور هذه سواء بالإيقاف أوالحذف وأذكر بقول الشاعر
إذا كنت ذا رأي فكن ذا عزيمة
فإن فساد الرأي أن تترددا
ام تري أن نسمي المنتدي كما أقترح الأخ العزيز عمرو سعد
اإذا كنا لا نستطيع ان ندير حوارا بين 10 أشخاص كيف تتوقعوا ان ندير حوارا مع البلد ؟!!!!!!
سؤال انتظر الرد عليه

هو كلامك منطقى يا مصطفى لكن الحمد لله المنتدى بدأ يسلك طريقه الصحيح

ولن نسمح لاى شخص بعد الان بأن يستغل هذا المنتدى فى تصفيه الحسابات او غير ذلك .

والله فى مواضيع كتيره اولى من المواضيع دى نتكلم فيها
فى حاجات كتير فى البلد محتاجه راى الشباب وطاقاته
لكن للاسف انا كنت كاتب فى بدايه كل مواضيعى ان احنا نختلف مع بعض بس بطرق فى مصلحتنا كلنا مش تبق ورشه حداده محدش سامع حد محدش سامع غير الشتايم المستخبيه
وعلى فكره يا مصطفى انت وعمرو ومحمد فوزى عشان احنا بقالنا وقت كبير مع بعض ومعانا مصطفى حامد وعماد ابو الحمد اطبعن على طباع بعض مشاكلنا كانت حلوه مع بعضينا كل واحد كان بيستمتع وهوه بيختلف مع اخوه لكن الردح محصلش غير الفتره الاخيره ماحنا كنا مع بعض فى معظم فتره انتخابات الشورى ونا كلنا عقلانين والحمد لله وكانت كل المواضيع للمصلحه العامه
وكانت بصراحه كلها جميله
لكن دلوقتى فى بعض الاعضاء فاكرين انهم ممكن يسيطروا على فكرنا
ذى مسلسل( كريمنال مايند)
انا بانصح الاعضاء الاعزاء على قلوبنا جميعا ارجوكم احنا مش اداه حد يقدر يحركنا بسهوله
وانا حزرت فى موضوع كيفيه التعامل مع البورصه من سياسه القطيع وعيوبها
واحنا عشان الكل يرتاح مش قطيع عشان حد يسوقنا والحمد لله
يعنى من الاخر الى داخل المنتدى وفاكر انه هايسوق فيها يريح نفسه احسله
ولو داخل عشان يفيدنا بارائه وخبراته وتعليمه وقدراته فى التعامل مع الحياه يشرفنا واحنا هانشيله على دماغنا من فوق ونتعامل ذى الاخوات مع بعضينا ويارب الموضوع ميتفهمش غلط وابقى بدل مجيت اكحلها عميتها يارب
احلل عقدتا من لسانى يفقهوا قولى

لا يا وليد كلامك مفهوم ومنطقنى انتا كحلتها وزى الفل وربنا يبعدنا عن عمى القلوب ان شاء الله
زى ماكونا فى الاول هانكون فى الاخر بتقدم انشاء الله

انا ليا تعليق على مصطفى فى اللى قاله بخصوص ازاى احنا 10 مش عارفين نتحكم فى حوار امال الزاى البلد هتتفق كلام زى الفل عشان نحل موقف زى ده ان شاء الله هيكون واحد بس هو اللى يتكلم ويطرح افكارة واراءة وخططه على الناس واللى يعترض هو اللى يرد عليه ويتناقش فى اعترضة والموافق تمام وانا شايف انه الحج عبد الوهاب هو أقوى المرشحين فى البلد لما له من بــــــــــــــــــــــاع فى السياسة ونحن علينا التدعيم وكل من له راى ايجابى او فكر بناء ممكن يكتب مذكرة بيه ويقدمها للحج وهو يدرسها عشان اللقاءات والحوارات متبقاش زى السوق
******************************************************************************
اما بالنبسة لوليد ومحمد فوزى خلاص ياجدعان مفيش حد زعلان من حد بدل ما نكتب تعليق على حالة الناس والزعل نكتب فكرة تفيد فى توحيد البلد فى تفيد فى نجاح حد من البلد عشان نقدر نجيب الكرسى ولا هنفل نغنى الوقت كله يعنى انا لو مرشح ودخلت على المنتدى عشان استفيد من فكر الشباب ايه الفكرة اللى ممكن اخدها من على المنتدى المنتدى كل اللى فيه فلان بيعتب على فلان وفلان زعلان وفلان منسحب لا نبدأ فعلا بالتغير وانا اول واحد هطرح فكرة فى صفحة جديده واللى عنده فكره يضيفها كرد ونشوف مجموعه الافكار هنكون اية
وشكراااااااااااااااااااااااااااااااا

ألسلام عليكم ورحمه الله وبركاته

يا استاذ أحمد انت متر كبير وبتفهم فى السياسه وليك اؤائك البنائه
لكن لازم حضرتك تسيبلنا مجال ان احنا نختار وندى رأينا احنا اولا وراء المرشح الى تجمع ليه البلد وده شئ ضرورى لازم الحاج عبد الوهاب يقوم بيه لازم يحاول يجمع البلد حوليه الاول مش يبعدهم
ثانيا بالنسبه ان واحد بس الى يتكلم ويطرح افكاره وارئه وخططه ايه ده كله امال احنا هانعمل ايه لما الحج عبد الوهاب هو الى هايفكرلنا ويخططلنا واحنى نمشى وراه بس يعنى دى حاجه انا مكنتش متفق عليها انا كنت فاكر ان الحج عبدالوهاب هايبقى غير الناس التانين بس لو هو هايعمل ده كله واحنا ملناش لازمه يبقى لا
انت على فكره فهمت الى احنا بنتكلم فيه غلط عشان احنا مش بنقول كده عشان واحد بس الى يتكلم واحنا نمشى وراه لا احنا اختلفنا على طريقه الحور وطريقه الاعتراض على بعضنا البعض مش عشان نسمع الكلام ونشرب البن الصبح ونغسل رجلينا قبل منام
ثاثا انا قلت قبل كده ان الفرصه كانت قدامنا احنا عشان نكتب عن البلد ونحسن صورتها على الرغم من انه هناك ناس تيره اقدر مننا على القيام بهذا الدور لكنها معلوماتها قليله على النت
حنا ايوه معانا افكار كتيره وبنعمل من غير مانتكلم كل الى يعرف يعمل حاجه عشان البلد يعملها عشان انا بصراحه عن نفسى م هاتكلم عن الانتخابات غير على الكلام الى مش هايعجبنى هارد عليه وبس وشكرا

انا مش ها قول غير مثل من امثالنا الشعبيه

كأنك يا أبو زيد ما غزيت ......................

انا مصر نغير اسم المنتدي لشعبولا ع صفيح ساخن

أستاذ وليد
الحاج عبدالوهاب مسافر حالياً
وهو لا يفكر وحده انما معاه رجال من البلد وشباب
أستاذ وليد انا بلغتك في الموضوع اللي اتحذف ان الوالد في البلد وفي انتظارك
سيادتك لم تشرفنا بزيارتك ؟
لعل المانع خير
وعلى العموم الوالد لما يجي آخر الأسبوع ده حخليه يتصل بيك ويقابلك
و انا مثلك أكره اللي يقودني دون أن يسمع فكري
ولكنك بعيد عننا ولا تأتينا ولا أعلم السبب
وانا منتظر رقم تليفونك اكتبهولي وأنا حخلي الوالد يتصل بيك ويسمع أفكارك ويقابلك
وأي خدمة يا أستاذ وليد

يا وليد انا قلت اللى عنده فكرة او راى يقوله ومقولتش ان الحج عبد الوهاب هو اللى هيفكر بدلنا

انا بقول اثناء الحوار عشان الموضوع ميبقاش عشوائى اللى عنده راى او فكرة يقولها والحج هو

اللى يرد علية عشان هو المرشح اما لو أحمد قال راى والدنيا مفتوحة وليد ومحمود وزيد وعبيد

كله هيرد يبقى مش هنوصل لحاجة

حصل خير

السلام عليكم ورحمه الله وبركاته يا احمد القط انت قلت حضرتك
(عشان نحل موقف زى ده ان شاء الله هيكون واحد بس هو اللى يتكلم ويطرح افكارة واراءة وخططه على الناس )
ومش مهم خلاص ياعم انا غلطت لما رديت ويمكن انا فهمتك غلط مش مهم خلاص
بس انا عايز منكم طلب انت والاستاذ احمد عبد لوهاب لو حضراتكم واخدين بالكم انتو يمكن من غير قصد مبتجمعوش الناس ورا الحاج عبد الوهاب لكن محدش يزعل من صراحتى انتو عملتو عداوات للحج عبد الوهاب اكتر من الازم كل الناس الى شافت المواضيع فى البلد معجبهاش الطريقه دى وغير كده انتو مرعيتوش الناس المختلفه معاكم وكان الى يختلف معاكم فى الراى يبقى عدوكم وده مش صحيح وحتى لو الواحد ده مش هيديكم فى الانتخابات برضوا ده مش عدوكم اذا بقى عدوكم يبقى انتو الى خلتوه عدوكم بدل ما تخلوه معاكم وارجوكم محدش يزعل منى انا باتكلم بصراحه وبالى انا شايفه بطبيعه قربى من ناس كتيره فى البلد وشخصيات مختلفه فى البلد
طايب انا هاسأل الاستاذ احمد عبد الوهاب سؤال وممكن طبعا احمد القط يرد برضوا

فى حاله فوز الحاج عبد الوهاب بمقعد الشعب هايعمل ايه مع الى مدلهوش وارجوكم الرد من غير شعارات رنانه

وعلى فكره انا مستعد لمناقشتكم فى الاجابه دى لاقصى الحدود لانى انا لى وجهه نظر فى الموضوع ده وعلى فكره بشخصى المتواضع انا دارس سياسه فى الكليه لو حد يفتكر كليتى
كان فيهاشويه مواد سياسيه ذى (العلاقات الدوليه للدكتور ماجد جورج )وكمان اقتصاديات التجاره الخارجيه ومبادئ السياسه وتعنى أ به سياسه وده مش تكبر بس انا ليه وجهات نظر متواضعه فى بعض المواضيع الى الحمد لله ناقشتها مع ناس بتفهم فى السياسه ودكاتره فى المجال ده والحمد لله معظمهم اقتنع بوجهات النظر دى واخدت 3 امتياز فى المواد سابقه الزكر
وشكرا لتوسيع صدركم للاستماع لى وارجوا منكم انكم متعتبرونيش عدو كم انا عايز اوضح شويه حاجات فى مصلحه الحج عبد الوهاب الى مش معانا عل المنتدى بس بيفقد شعبيه
لازم كان فى واحد ينفى اى علاقه بين المكتوب على المنتدى وبين الحج عبد الوهاب

وبالنسبه للدعوه انا متأخرتش يا استاذ احمد بس انا قابلت الحج عبد الوهاب كذا مره عند (البربخ )
وبصراحه كان نفسى يعرفنى بس للاسف معرفنيش يبقى اذاى هاروح واتناقش معاه فى مواضيع
تخص ترشحه فى الانتخابات وبعدين انا لا امثل الا نفسى وانا بصراحه مبقدرش اعمل حاجه فى مواضيع تقيله غير لما يتقدم ابويه وانا وراه انا مش من قدام ابويا من قدام وانا وراه

السلا عليكم ورحمة الله وبركاته
اولا اسمحولى للعودة ليكم مرة تانية
واشكركم على اهتمامكم الجميل بى اللى خلانى احس انى فعلا باتكلم مع اخواتى
وبشكر محمد فوزى لتفسيره حذف الموضوع اياه
بعد متحول الى حوارات شخصية من بعض الاعضاء للاخر
واللى تحور كمان الكلام بتاعنا الى غلط وشتيمة فى فلان وفلان
المتر احمد القط والاستاذ احمد عبدالوهاب
اسمحولى اقولكم انه انته ماشيين ف طريق غلط
الحاج شخصية جميلة وعايز ين الناس كلها تمشى وراه
وانا بقول كل الناس مش معظمهم
انا اتفق معاكم انه فيه عضو للاسف عمل حاجات غلط
وخلتنا وانا اولكم فى موقف مش حلو مع ناس كتير ف البلد
بس مش معنا كدة نقتله او ندبحه او نهينه ع المنتدى
لانه برده واحد منينا
ومش معنا كلامى انى باوقف معاة
لا ..... هو غلطان بس احنا نرجعه عن تفكيره ونكسبه ونضمه معانا كمان
وزى مقال وليد لنتو بالطريقة دى بتأذو الحاج مش بتنصروة
وياريت متزعلوش من كلامى اللى ممكن يكون ناشف شوية
بس احنا بنقول الانتخابات لعبة كبيرة وسياسة وانتو اللى بتعملوه دة ملهوش دعوة بالسياسة
بمعنى اننا قبل مندور ع الاصلاح الخارجى ونكسب الناس اللى برة البلد لازم نضمن الناس اللى ف البلد ومش نزود العداوة اللى بينا
ومرة تانية ياريت من غير زعل

على العموم يا أستاذ وليد أحب أقولك ان اللي في المنتدى هي آرائي الشخصية فقط وليس للوالد دخل بآرائي
ثانياً أنا الشيخ ويفي مثلاً مايعرفنيش بس أنا لو سلمت عليه حقوله انا احمد ابن الحاج عبدالوهاب وهو حيعرفني لأن أنا الصغير والشيخ ويفي ربنا يحفظه هو الكبيرمقاماً وسناً (( يعني اعرفه بنفسي))
ثالثاً الاختلاف في وجهات النظر لا يفسد للود قضية
رابعاً انا دعيتك تزورنا في البيت مساء اليوم اللي اتكلمنا فيه وأقسم بالله ان الحاج كان منتظرك وأعيد القسم اقسم بالله انه كان منتظرك والميعاد كان في البيت وليس في البربخ
خامساً أحمد القط متحمس زيادة للحاج عبدالوهاب زي اللي بيحب نادي معين وهو مشكلته ان شايف ناس بتتكلم نيابة عن ناس وبعد كده هو متضايق من اللي بيطلع نقاشاتنا كشباب للكبار ويوريهم احنا شدينا في ايه واعترضنا على مين وهل يجوز ان تقف الناس ضد مصلحة البلد ولا نتجمع مع اختلاف ميولنا لمصلحة البلد وأنا هديت أحمد القط وقلتله ابلع الكلام شوية لأن السياسة ليس بها خصومة وهو أخ لكم ولي وهو محامي شاطر وربنا يوفقه في مستقبله ويوفقك كمان
خامساً يا أستاذ وليد احنا ناس طيبين لا عمرنا خنا ولا أذينا ولا زعلنا من حد بدليل فاكر موضوع اليافطة المتعلقة عند بيت الشيخ ويفي بتاعت الحاج فاكرها
والصور اللي اتقطعت واتخرمت عينيها هل شتمنا ولا شدينا مع حد
يعني هل المهندس المحترم جمال نقل لو علق صورة تتوقع ان حد مننا يقطعها ؟
والله والله والله لايحصل ولن يحصل
طيب حاقولك حاجة تضحكك وتعرفك مين الحاج عبدالوهاب
بيتنا في نجع حمادي معروف للجميع قبل الحاج مايتنازل عن الترشيح لصالح مرشح الوطني كانت الصور بتاعت المرشحين ملأت نجع حمادي وانا ومحمود أخويا علقنا على بيتنا صور للحاج
المهم جاءوا جماعة تبع اللواء عبدالراضي عمار علقوا صورة ليه على بيتنا
أقسملك بالله العلي العظيم الوالد قال لمحمود وليا أوعوا حد يلمس صورة اللواء سيبوها على باب البيت زي ماهي مش قطعوها زي مانتا عارف
انا بقولك الكلام اللي فات بناءاً على سؤالك عن حنعمل ايه مع اللي مايديناش صوته في الانتخابات
الحاج محترم قوي يا وليد ويحترم كل الناس اللي معاه واللي مش معاه
* ملحوظة أخيرة انا لم أفهم معنى أنك تقدم والدك قبلك في أي موضوع تقيل
هل فيه حد تقدم على أبوه
الأب يقدم في المواضيع الصغيرة والكبيرة والخفيفة والثقيلة
وليس في المواضيع التقيلة بس
ختاماً أنا أحب أقول حاجة للجميع وفي مقدمتهم الأخ وليد
أنا وغيري لا يتكلم بلسان الحاج عبدالوهاب في المنتدى وإن كنتم ترون أن مشاركتي ستقلل من الشعبية وتزيد الأحقاد فأنا أعتذر عما صدر قبل ذلك وأنا بس زعلت شوية من شوية مواضيع توصيل الكلام بالغلط وعلى عكس ما قيل وظهور بعض الفتن وحماسي كشاب وغيرتي على بلدي هم السبب في ذلك فمعذرة منكم
وختاماً أنا عضو في المنتدى بإسمي أما الحاج عبدالوهاب فله موقع خاص به وأكيد حضرتكم عارفينه وهو موقع كامل وليس منتدى وجاري تحديثه لإنتخابات مجلس الشعب
وتقبل تحياتي أخ وليد وطلباتك أوامر يا عماد محمود السنبسي وحمدلله على السلامة

بعد اذن الناس انا عاوز اضيف حاجة انا متشدد للحاج عبد الوهاب عشان هو الراجل


الوحيد فى الناس المترشحين حاليا المعروف لدى الناس فى دشنا انا كل يوم فى دشنا

وبعدين الحاج مفيش مندرة ولا بيت فى دشنا مدخلوش من الاخر وبكل صراحة انا لما افتح

النقاش فى دشنا الناس كانت بتتكلم عن معرفتها بالحاج اكتر من الدكتور كمعرفة شخصية

وليس كمعرفة على الساحة السياسية يعنى انا مش مستعد امشى فى حاجة خسرانة يعنى

مينفعش نمشى وراء واحد مجهول ونقول ننجح فى الانتخابات وانا مش هتفرق عندى كتير

زيد ولا عبيد بس اللى هيفرق معاى زملائى فى دشنا لما اتكلم وسطيهم اقول اننا ردينا

الكرسى بتعنا

اولا الاستاذ احمد عبد الوهاب انا مش هارد عليك فى بعض النقاط
الى فاتت عشان انا كنت دقيق فى كلامى جدا وعمرى مبحكم غير عقلى فى المواضيع العامه
انا مبفكرش بقلبى فى بعض المواضيع بركنه شويه
وعلى العموم انا اسف لفهمى الخاطء لبعض المواضيع سواء كانت تخصك شخصيا
او تخص الحاج عبد الوهاب بشخصه المحترم المكنون له كل الحب والاحترام على المستوى الشخصى
ثانيا حضرتك دخلت المنتدى باول موضوع بسم الله الرحمن الرحيم يعلن الحاج عبد الوهاب عن ترشحه اذن
الاستاذ احمد على حسب اعتقادى دخلت المنتدى للتحاور مع شباب السنابسه عن ارائهم اذن كلامك لابد
ان يكون مسئول سواء مثلت شخصك او مثلت الحاج عبد الوهاب وهذا ما فهمت
ثالثا موضع الشتيمه والورق الى اطبع والحكايه دى كلها انا كنت باسمعها من اشخاص خارج المنتدى
والله مكنتش بحاول اسئل عليها داخل المنتدى عشان مينفعش نتكلم كلام ذى ده واحنا ماسكين الميكروفون وذلك لاعتقادى على ان
المنتدى هو{ سقف معلق فى السماء المفتوحه }
له كلام اخر غير الكلام الشخصى بين اثنين فى الجدل حول مواضيع تقلل من شخصنا نحن نعتبر انفسنا شباب عاقل ومتفهم لما يدور حولنا من كل انحاء العالم متابعين للتقدم على جميع مستوياته لذلك كان من الاساس لا يصح تدخلك فى هذه التراهات خصوصا لحساسيه ترشح والدك للانتخابات
رابعا الصور التى قطعت انا واتكلم على المستوى الشخصى والله كنت زعلان اكتر منك
وكنت زعلان انهم يقطعوا صوره مرشح لان ده ينم على الجهل وليس شئ اخر نحن
فى دوله نعتبر انفسنا ديموقراطيين تفهمنا لموضوع الدعايه والاعلان ومصاريف الدعايه وعلى فكره انا دارس اعلان
واهتماماتى اساسا تتعلق بالاعلانات وان شاء الله ناوى اخد شويه كورسات فى الدعايه والاعلان
خامسا انا لما قلت انا بقدم ابويا مقصدتش حاجه خالص غير ما فهم طبيعتا وكما يقولها اى شخص بطريقه اخلاقيه
سادسا انا رديت على موضوع تمثيلك للحاج عبد الوهاب على المنتدى من عدمه ولعلك فهمت ما كنت اريدك ان تفهمه
وشكرا لتوسيعك صدرك لى

الاستاذ احمد القط
الكلام الى بتقوله مش دعايه للحاج عشان منبقاش متسرعين والناس متقولش علينا اننا شباب طايش مش فاهم حاجه المعرفه فى دشنا غير الانتخابات فى دشنا الموضوع اكبر من كده
لازم نرتب مواضيعنا ومنبقاش متسرعين
ثانيا حاجه ايه الى خسرانه ومش مستعد تمشى فها احنا قلنالك امشى فى حاجه خسرانه لا بالعكس احنا نتمنالك الخير دايما وفى كل حاجه احنا نتمنى انت تكون احسن واحد فى العالم والله ومش تريقه ده شعورى نحيتك وشعورى ناحيه اى حد من السنابسه ونفسى السنابسه تبقى احسن ناس فى العالم وبدون مبالغه
ثالثا اذاى مش هايفرق معاك زيد ولا عبيد الى هيفرق معاك صحابك
الى انت بتقوله ده مصلحه شخصيه مش انتخابات ومش سياسه
يا استاذ احمد الحاج عبد الوهاب لو نجح ان شاء الله هايمثل دائره دشنا والوقف يعنى مينفعش غير انه تبقى معاه دشنا والوقف لانه ممثلهم يبقى حضرتك متتكلمش على مصالح شخصيه وانت بتساند المرشح الى عايزه ينجح

.......................................
منور يا بو الشيخ
..............................
. ..............................

يا أستاذ وليد أنا بس وضحت كل نقطة حضرتك اتكلمت عليها وانا برضه منتظر قدومك إلا لو كان فيه حاجة تاني انا لا أضغط عليك
عايزين خبرتك في الاعلان ويكون لك دور في الحملة الانتخابية
موافق ولا لأ؟
ودي المرة الثالثة بدعيك
وفيه حاجة بس ماكنتش عايز أتكلم في الموضوع ده بالنسبة لدشنا في الشورى وفي الشعب الناس مرحبة بواحد زي الحاج يكون نائبها وانا أقسم بالله على ذلك
وبالنسبة للشعب الناس عايزة شخص محترم زي الحاج يخدمها
ووالله فيه ترحيب في دشنا للأسف أكتر من بلدنا نفسها والناس بلغت أساميها علشان التوكيلات في دشنا وبعد كده لازم تتجامل الوقف علشان اللي حيعيد حيعشم في أصواتها
بس مش عايز اتكلم هنا في المنتدى وسيادتك عارف ليه أصل دي أسرار الانتخابات وعيب تطلع للناس
هل دشنا تبقى معاك وبلدك تقعد تقول مواصفات ومقاييس مش بذمتك حاجة تزعل

اعتقد ان سيادتك كده وضحت الرؤية عندك وكلام أخوك أحمد القط عن شعبية الحاج عبدالوهاب في دشنا مظبوط والناس منتظرة موقف الوقف في الانتخابات
وأنا منتظر موقفك من الدعوة اللي بوجههالك
وأكرر تاني وتالت ده رأيي الخاص وليس للحاج عبدالوهاب علاقة بما أكتب

السلام عليكم
والله يا احمد مفيش حاجه تانى ولا تالت كل الموضوع ان بس متزعلش منى انا بصراحه بصراحه ليا فى الموضوع ده جانبين منضمنهم انى اولا اخطأت ذى ما انت قولت لما مرفتش الحاج عبد الوهاب عن نفسى فى التلات مرات الى قابلته فيها عند البربخ وثانيا اناكنت متفق مع عمرو سعد اننا نروح للحج يوم الدعوه الى اتفقنا عليها وعمرو جاله مشوار قنا وممكن تساله على الحكايه دى واطرينا نعتزر للحاج عن طريق حلمى متهايلى حتى حلمى قالى انا خاتصل بعمرو واحدد معاد تانى وبعديها بيوم انا اتكلمت مع ناس كتير من السنابسه علشان نروح للحج عبدالوهاب عند البيت وكان المعاد بعد العشا وبصراحه انا مكانش معايا تلفون الحج عبد الوهاب عشان اتصل بيه واحدد الميعاد معاه فقولت انه كل يوم بعد العشا بيقعد عند البيت وبيقابل الناس زى ما قلى سمير ابو جاد فانا قلت نرحله بعد العشا صلينا العشا واتجمعنا انا واتنين من خوالى وبعد الاشخاص التانيه عند القهوه عشان نرو عند الحج عبد الوهاب فانا لقيته راكب العربيه ومعاه بعض الاشخاص ورايحين مشوار والله اعلم فسلمت عليه وقلتله اتفضل يا حج عبدالوهاب اشرب شاى وهوه فى العربيه فحسيت انه معاه مشوار فاتكلمنا انا والناس الى معايا على تاجيل الموضوع ده وقت تانى وده حكايتى مع موضوع الدعوه الى انا حاسس انكفاكرنى باتهرب من الدعوه بالعكس وتقدر تسألأ اى حد فى السنابسه انا محسوب فى السنابسه انى من المتشددين للحج عبد الوهاب وانت تقدر تسال طبعا وشكرا للدعوه
وانا بادعو كل المتوادين فى البلد من اعضاء المنتدى اننا نروح مع بعض ينى انا بادعو عمرو سعد ومحمد فوزى ومحمودفهمى ووليد خليفه والمتر احمد القط اننا نروح مع بعض ومستنىكم

وعلى فكره مش باعتبارى اصغر من الحاج عبد الوهاب سنا المفروض انك انت تدينى رقمه وانا الى اتصل بيه حط الرقم وهاتشوف او ادينى رقمه عشان اكلمه واوضحله وجهة نظرى الى انا متاكد انه هايفمنى لانه راجل سياسى واعى وله باع كبير فى السياسه والدعيه واحنا الى هانستفيد من فكره وده اكيد وبقناعه من جوايا
واخيرا اوعى حد يفهمنى انى ضدد مصلحه البلد الى يعرفونى يقدروا يقولولك قد ايه انا ابحب السنابسه وبطريقه جنونيه وشكرا

وده تلفونى معلش نسيت 0100883177

ماشي يا وليد يا ابن عمنا وشيخنا
0123279456 الحاج عبدالوهاب
0125640064 أخوك أحمد وتقبل تحياتي الأخوية
وانت عداك العيب وانتظر مني تليفون
وأحب أقولك ان الحاج بيحب البلد دي زيك هو وصل من السفر النهاردة العصر وبعد المغرب حيكون معاك في البلد

انا ائيد كلام المتر احمد القط لمصلحة المنتدا واللله ولى التوفيق