كيفية التعامل فى البورصة

البورصة/ هى اداه لتحويل الاموال المستثمرة الى القطاعات النشطة

اية معنى الكلام دة
يعنى ان اى حد من المستثمرين الى معاهم فلوس يتم تحويل استثماراتهم الراكدة الى الشركات النشطة فى السوق عن طريق شراء اسهم او سندات او خيارات للشراء او البيع

* ماهو الفرق بين السهم والسندات والخيارات وانواعها*

1_ الاسهم العاديه/ هى عباره عن المشاركة فى رأس المال الخاص بالشركة
حيث تقوم الشركة المساهمة بطرح جزء من رأس المال للمساهمين الذين يستطيعو الشراء من هذه الاسهم المطروحه

امزايا التى يحصل عليها حامل السهم العادى
أ/اعتباره شريك فى رأس المال له الحق فى التصويت فى الجمعية العمومية للشركة
ب/ليس له نسبة محددة فى حالة تحقيق أرباح (حلال شرعا)
ج/فى حالة تحقيق ارباح كبيرة ترتفع نسبته فى الحصول على ربح

( المغامر الاول والرابحالاخير)

2/ الاسهم الممتازه (
هى اسهم ممنوحة لبعض الشخخصيات التى قدمت خدمات عظيمة للشركة وقد تطرح للاكتتاب العام للجمهور


مزايا الاسهم الممتازة
أ/له نسبة من الربح المحقق من اجمالى قيمة السهم
ب/له الحق فى استرداد قيمة السهم أولا عند التصفية للشركة

* وقد تمنح مزايا اخرى
ا/ الحق فى الاشتراك فى قرارات الجمعية العمومية مع حملة الاسهم العادية
ب/الحصول على حق تقاسم الارباح مع حملة الاسهم العادية بعد نسبتة

3/ السندات
هى ديون على الشركة وهى قد تكون ملك لبنوك او اشخاص او الدولة


* مزايا السندات
ا/ الحصول على نسبته سواء حققت الشركة ارباحا ام لا
ب/ الحق فى مراقبة سياسة الشركة فى الاقتراض والديون


******ميكانيزمية التعامل مع البورصة********

* انت كمستثمر شارى لابد ان تتصل بشركة سمسرة لتكون كوسيط بينك وبين البورصة ** تقوم شركة السمسرة باعطائك امر دفع تاخة الى البنك السمسار
وتضع استثمارك الذى تريد ان تتعامل بة مع البورصة ثم تخاطب شركة السمسرة لتعطيها امر بالشراء لاى اسهم معروضةمثلا (100سهم اسمنت قنا بمبلغ كذا ) ثم تقوم شركة السمسرة بعرض طلبك على لوحة التعاملات فى نفس الوقت ان عجب احد السعر يعرضه على لوحة التعاملات ويحاول المستثمر الشارى هو وشركة السمسره للشارى بأن تتفاوض مع البائع وشركة سمسرة البائع للوصول الى سعر مناسب لكلاهما واتمام الصفقة وذلك يتم تحت انظار شركة مصر للمقاصة التى تتم العلية وتحت رقابة الهيئة العامة للرقابة المالية ثم يتم اطلاع امين حفظ البائع لانقاص الاسهم المباعة من رصيد البائع وأمين حفظ الشارى لزيادة رصيدة من الاسهم المشتراة وذلك تقوم بة شركة مصر للمقاصة ويتم الاعلان عن الصفقة على لوحة التعاملات فى البورصة ( كل ذلك يتم فى لحظات معدودة لان الثانية بتفرق)

وبعد ان فهمنا كيف نتعامل مع البورصة نشرح كيف تشترى وكيف تبيع ومتى

*سياسات معروفة*
1/سياسة القطيع
هى سياسة يتبعها العديد من المستثمرين فى جميع بورصات العالم
ومن عيوبها انه قد يستغلها احد المستثمرين لتوجية السوق الى الشراء او البيع وبالتالى يتبعة باقى القطيع وقد تحدث نتائج كارثية كما حدث للنمر الاسيوى من المستثمر اليهودى الذى استغل عدم معرفة العديد من المستثمرين للسياسات المختلفة للتعامل مع البورصة
2/سياسة التحليل المالى
وهى ان يقوم المستثمر الفاهم بعمل دراسة مالية للشركة التى يرغب فى الشراء من اسهمها ومركزها المالى وجميع قوائمها المالية التى تكون متاحة فى البورصة
وهذة السياسة ناجحة ليس دائما ولكنك تكون راضى عن نفسك فيها (وهذة السياسة لها اسلوب سنقوم بشرحة لاحقا)

3/سياسة التحليل التاريخى
وهى ان معظم المستثمرين يصدقون ان ما حدث العام الماضى سيحدث هذة السنة
فيقوموا بمتابعة ما حدث العام الماضى من عمليات بيع وشراء على السهم الراغب فى الشراء منه


اسف تعبت هانكمل بكره

تعليقاتكم تشجعنا

المقامرون ( المضاربون) ههم فئة موجودة داخل البورصة
وهم من الفئات التى توجه السوق لمصلحتها فى معظم الاحيان ولكن الهيئة العامة للرقابة المالية تراقب العمليات التى يوجد فيها شبهة مضاربه ولكن هم موجودين

*فى مستثمرين بيشتركو فى المحافظ الاسلاميه التى تعملها البنوك وقصة المحافظ الاسلاميه هاتكلم فيها النهارده ان شاء الله
شكرا لاهتمامك يا أ/ محمد فوزى

طيب يا ريت توضح يعني ايه مضاربة وليه السلطات بتراقبها ويا ريت نبذة عن اضرارها

بصراحه انا مبسوط جدا جدا منك ياوليد لانك دخلت المنتدى وبقيت معانا عضو فعال ومشارك برأيك وبتفتح موضوعات جديده فى المنتدى وكدا المنتدى انشاء الله هيكبر بيك وبأمثالك

ان شاء الله واحنا مع بعض هانعمل حاجات كتيره

كانت فى سؤال على انواع الطروحات فى البورصه
معلش انا كنت غايب فتره
الطروحات فى البورصه
اولا حسب جده الاوراق الماليه
1\الاصدار لاول مره ( السوق الاولى _سوق الاصدار )
2\سوق التداول ( البورصه) أ \بورصه منظمه < خاضعه للاشراف الحكومى
ب\بورصه غير منظمه<غير خاضعه للاشراف الحكومى والتعامل فيها بدون شروط وليس لها مكان محدد

وتنقسم الاسواق تقسيم اخر (حسب فوريه التعامل

1\اسواق حاضره <تتعامل مع الاوراق الماليه الصليه اسهم وسندات
2\اسواق اجله < تتعامل مع الاوراق الماليه المشتقه من الاوراق الاصليه <الخيارات للبيع او للشراء>

المضاربه
ردا على سؤال أ\محمد فوزى
بس يا جماعه محدش يفهم كلامى غلط انا باكتب الموضوع ده عشان احنا نعرف ايه هيا المضاربه مش عشان نضارب ماشى يا اخوانا
يقوم المضارب بالترقب والانتظار وتحين الفرص
فهو يتوقع مثلا اتجاه السوق للارتفاع وكما قلنا الارتفاع هو ان يتجه السوق للشراء يقوم المضارب بالشراء قبل الاتجاه للشراء ثم يقوم بالبيع فى اوقات الارتفاع للسوق الذى ترتفع فيه قيمه الاسهم
ويكسب من فرق السعر بين الشراء والبيع (ده هو المعنى)
لكن الطرق التى يقوم بيها المضاربون هى التى تراقبها الدوله لان المضارب دائما ما يفعل اساليب ملتويه لمعرفه السوق
أ\فقد يقوم بتوجيه السوق للشراء بناء على سياسه القطيع سابقه الذكر على اسهم غير مجديه ثم يقوم بالبيع اولا قبل ان يفوق المستثمرين من الصدمه حتى يجدوا ان قيمه السهم الحقيقيه اقل من قيمتها الحاليه فيحاولوا بيع الاسهم ولكنهم لا يجدوا من يشترى منهم لان المضارب يكون قد انسحب من السوق (وهذا ما حدث فى جنوب شرق اسيا)
ب\وقد يكون المضارب احد اعضاء الشركات المطروح اسهمها فى البورصه ولكن ليس بصفته عضو شركه ولكن عن طريق احد اقاربه او اصدقائه فقد يعلم هذا الشخص معلومات عن الشركه لا يعلمها احد مثل انخفاض المركز المالى للشركه الذى يترتب عليه انخفاض قيمه السهم فيتفق مع حمله الاسهم على البيع من وراء الشركه وبالتالى تنخفض قيمه السهم كثيرا ويتزايد عدد المتضررين
او ان يكون لديه معلومات عن تحقيق الشركه لارباح فيقوم هو بالشراء قبل معرفه السوق للمعلومات ثم يبيع عند انتشار المعلومات وبالتالى يحقق ارباح مضاعفه
وهكذا وكذلك هناك طرق كثيره
ويارب نكون جاوبنا على كل الاسئله فى الموضوع ده ولوفى اى اسئله تانى من الاعضاء احنا فى الخدمه

الله يفتح عليك يا وليد

شكرا يا عمور

السلام عليكم
كيفك أخ وليد
لي سؤال ايه اخبارسوق خارج المقصورة وياريت اعرف آخبار لكح جروب السهم ده انا متابعه من حوالي 2 سنة تعرف بيتحرك أزاي مجرد منحني طبيعي كل 15 يوم علي فكرة متابعة بس لا في شراء ولا يحزنون هههه
بالتوفيق

بسم الله الرحمن الرحيم

شرفت الموضوع يا أ\مصطفى

اولا سوق خارج المقصوره هو نفس المسمى الى بيطلق على البورصه غير المنظمه الغير خاضعه للاشراف الحكومى وطبعا مبنصحش اى مستثمر لاول مره ان يتعامل مع بورصه غير منظمه وده عشان عمليات عدم الثقه (النصب)
2\موضوع لكح واسهمه ده موضوع كبير وغريب لان لكح ( موضوع سياسى) سيبنا منه بس انا ان شاء الله هاجمعلك معلومات على اسهم لكح وان كانت اسهم نشطه ولا لا وحجم التداول عليها حاليا والمركز المالى للمجموعه

شكرا علي الطرح

السياسه ولكح
كان رامى لكح واحنا عارفين ان رامى لكح مسيحى
بدأ رامى لكح يهتم بالسياسه ورشح نفسه لانتخابات مجلس الشعب فى الدايره الى كان مسيطر عليها احد كوادر الحزب الوطنى وكان فى نفس الوقت الكادر ده صاحب رئيس الوزراء السابق عاطف عبيد ونجح لكح فى الانتخابات وسقطوه الجماعه (حسب كلام لكح بعد عودته مصر من شهر تقريبا فى المصرى اليوم ) وبدأ الانتقام منه فى مديونياته لدى البنوك قصقصه ريشه يعنى بالبلدى وعلى الرغم من هروبه كان سهم لكح شغال فى البورصه ومعظم شركاته شغاله
وبعدين جدول ديونه بطريقه اعترض عليها كل من عنده حس وطنى لكن المش مهتمين كان الموضوع عادى بالنسبالهم واستقبل لكح استقبال الفاتحين فى مطار القاهره بعد الجدوله

الله ينور عليك ياوليد

اننته عارف سهم لكح ده كان يمشي بالعكس لو البورصة نازله هوا يطلع ولو البورصة متنيلة بنيلة وهابطة هوا تلاقيه في السما

طيب ممكن اعرف ليه

والله انا الى اعرفه وده شرحناه ان مفيش حاجه اسمها
ان سهم يكسب دونا عن البورصه لكن ممكن و الاستاذ مصطفى ممكن يشرحلنا ليه سهم لكح خصوصا (ولكل قاعده شواذ)
لو مؤشر البورصه منخفض يبقى كل الاسهم منخفضه القيمه
الا بعض الاسهم المعروفه بالاسم ذى أوراسكوم وموبينيل وفودافون عشان الاسهم دى لا تعتمد على السوق المحليه فقط ولكن تتاسر بالبورصات العالميه وطروحات الشركات دى ممسوكه بيد جامده يعنى متلاقيهاش مع كل المستثمرين يعنى مثلا حد يعرف مشكله موبينيل مع فرانس تيليكوم كان وده مش الاساس عشان سيطره موبينيل على اسهمها الباقيه بعد الشراء والمشكله دى اتحلت ولو حد عايز يعرف التفاصيل بتاعتها يسأل ( للتشويق)

اولا : ياريت يا وليد باشا نتعامل من غير ألقاب " ياسيدي هو كل الفرق بيني وبينك سنةوكام شهر يعني ميستهلش الكلفة دي ولا الوقت اللي ضيعه في كتابة كلمة استاذ"
ثانيا : ده اللي لاحظته وبصراحه انته كلامك أكاديمي انا مقدرش أعلق عليه لا كن دي مجرد ملا حظات في فترة كنت متابع جيد للبورصة لدرجة اني كنت اعمل ارباح افتراضيه تصل سهم لكح في مدة 45 يوم بمبلغ استثمار 10000.00 جنيه تصل 1500.00 جنيه لا كن بصراحة كنت اخاف انها تكون حرام
سهم تاني برده سوق الأوامر بدأ الإكتتاب عليه ب 5 جنيه عارف وصل كام خلال 15 يوم 80 جنيه " كنت ناقص أحب علي يد واحد صاحبي يشتري فيه لا كن تقول ايه"
المعلومات دي كلها من اكتر من سنة ونصف
ثالثا : البورصة المصرية خصوصا من دون بورصات العالم لا تسير علي قواعد علمية واسس تجارية ولكنها تسير حسب الأشاعات والأمور السياسية " فاكر مرض الريس يلا ماعلييييينا " يعني لو صحيت الصبح والريس مات البورصة مش هتنهار لأ هيتخسف بيها الأرض وده الصفة الغالبة في الدول المتخلفة بعيد عنك
رابعا :حسب متابعتي المتواضعة للسهم ده انا اعتقد انه خلفه Maker اي صانع لحركة السهم مثلا اي واحد يراجع حركة السهم ده لمدة 5 شهور مثلا هيلاقي ايه اعلي سعر في العادي 2.3 وأقل سعر 1.8 وده في مدي 15 يوم والحركة دي والله يا اخوة انا قعدت ملا حظها احتمال لمدة سنة أو أقل
وكمان لما كان يحصل خبر انه هيتعمل تسوية لديون لكح كان السعر يوصل 2.80 والدليل في الفترة الأخيرة وصل سعر 2.9 او 3.25 مش متأكد بمجرد انه قالوا لكح راجع مصر والسعر ده مكانش وصله حسب كلامهم من سنه
ده مجرد وجهة نظري
ونصيحة ابحث عن المكسب الحلال و لايغريك العائد فكل جسد نبت من الحرام فالنار اولي به
وتذكر قول النساء الخالدات " قد نصبر علي الم الجوع ولكن لن نقدر علي حر النار "
ولك مني خالص الود والتقدير

افدتنا يا مصطفى والله
وعلى فكره احنا بنتكلم فى البورصه عشان نعرف ايه هى الحاجه الى بنشوفها قدامنا
ومش فاهمين فيها حاجه ايه الى طلع وايه الى نزل
على فكره مؤشر البورصه المصريه منخفض جدا النهارده

الخسائر وصلت 15 مليون

بيس يامان على فكره الموضوع دى جميل جدا
بس أنا ليه عندك كام سؤال ويريت توضحهم لى
س1 ما هو الفرق بين صناديق الاستثمار المفتوحة وصناديق الاستثمار المغلقة؟
س2

صناديق الاستثمار انواع
اسهم \\\\\\\\سندات \\\\\\\\\\\\مختلط\\\\\\\\\\\اسلامى

فودافون العالميه اكيد ليها سياسه استثماريه محسوبه واكيد ليها هدف الربح
هو الدافع الاساسى للبيع ودى حاجه اكيده
بس برضو دى فرصه كويسه للمستثمرين المصرين لشراء اسهم شركه من شركات
الاتصالات الرابحه فى معظم الاحيان

سعر صرف اليورو وصل الى ادنى مستوى ليه من 2006
حوالى 1,2 دولار وعلى فكره ده سببه ديون اليونان

بارك الله فيك

طيب ممكن تقولى ليه الدولار بيعلى فى الفتره اللى فيها اليورو بينزل

هو فى حاجه اسمها عمله مقارنه
يعنى اليورو بيتقاس بالنسبه للدولار يعنى لو اليورو نازل والدولار ثابت هيبان ان الدولار عالى بالنسبه لليورو

اخي العزيز ولبد انا اشكرك علي مواضيعك الشيقة
واكن مع احترامي لوجهة نظرك في التعامل في البورصة ليس لة علاقة بالدولار واليورو الزي تتكلم عنة اسمة سوق الفوركس
اما التداول في البورصة
هناك مجموعة من الشركات تقوم بالاكتتاب وطرح اسهمها في السوق ويقوم المستسمرين بالشراء والبيع من خلال شركات الوساطة للتعامل في البورصة وكل شركة تطرح عد اسهم بمقدار راس المال الفعلي وكل حامل الاسهم له حصة في الشركة التي اشتري فيها بمقرار عدد الاسهم التي امتلكها

محمد شركة بايونيرز لتداول الاوراق المالية

السلام عليكم
الكنج ستار نورت الموضوع

أولا الدولار واليورو ليهم علاقه وطيده بالبورصه
وعلى فكره الاتحاد الاوروبى عمل خطه انقاذ لتحفيذ المستسمرين ورفع حاله التشائم الى تسيطر على اسواق المال وبالتالى بيقل الاقبال على الشراء على الاسهموالسندات
والعمله ليها أهميه كبيره فى البورصه وخصوصا فى الشراء بالهامش
وذلك لانه بيعتمد على الشراء بالقيمه الحاليه للنقود اما فى حاله الشراء بالزيرو الى مش موجود فى اسواق كثيره ومن ضمنها مصر فهو مخاطره قليله
وكمان ليه اهميه فى حاله خيارات البيعوخيارات الشراء وتقدر حضرتك تقرأ الموضوع من الاول وهاتعرف اهميه العملات فى تداولات اسواق المال

اما سو الفوركس دى انا للاسف معرفش عنها حاجه عشان ارد عليك لكن انا هادور واشوف بتعنى ايه
وبالنسبه للاكتتاب وباقى المواضيع حضرتك هاتلاقيها مشروحه باستفاضه فى الموضوع من الاول

وشكرا لاهتمامك بالموضوع وانا شخصيا اتشرفت بمعلوماتك

سوق الفوركس

يا برنس وليد هو عبارة عن المضاربة بالدولار امام باقي العملات

اذاي يعني تدخل وتشتري كمية من العملات سواء كان يورو او جنية استرليني اوين ياباني وهكذا


وثمن العملة لحظة الشراء ومايقابلها من الدولاروباقي العملات


اذا اشتريت وثمن العملة رفع علي وقت الشراء علي الدولار يكون فرق السعر الذائد هو الربح والعكس صحيح فمن الممكن الشراء في الاسترليني مقابل اليوروا وهكزا باقي العملات

ملحوظة ؟ اذا كان خطر البورصة في المضاربة قيراط
خطر الفوريكس في المضاربة 124
اي

شكرا الكنج ستار على المعلومات المفيده دى

وبصراحه نورت الموضوع

شكرا على الموضوع

شكرا يا عمرو على اهتمامك

ياااااااه شكرا بس لعمرو انا كنت دايما اشوفك بعده وبتقول له فين مواضيع ايه اللي حصل

هههههههههههههههه

دى مش تريقه بس انا بالفعل رجعت للمنتدى بالمواضيع بس مش شايف رد وليد عليها

وشكرا ليك يا مصطفى وعايزين نشوف مواضيعك انت

شكرا على الموضوع وجزك الله خيرا