(( حملة منتدي أبناء السنابسة لمساندة مرشح بالشعب )) اكتب اسم مرشحك الذي ستعطيه صوتك الاول

السلام عليكم ورحمة الله وبركاته
السادة الاعضاء الكرام ابناء الدائرة الغالية دائرة دشنا والوقف
اليكم حملة منتدي أبناء السنابسة لمساندة مرشح لمجلس الشعب

ونريد منكم الاتي :
اختيار مرشح بالصوت الاول نتفق عليه جميعا ويسانده الجميع
والصوت الثاني كل عضو حر فيه يتصرف فيه زي ما عايز (( نظرا لحساسية الموضوع ))

اتمني ان تصلكم الصورة كاملة ونتفق علي مرشح واحد جميعا بالصوت الاول
ومنتظرين ردودكم

ملاحظة
(( تستطيع ذكر اسم اي مرشح ايا كان طالما ان ترشيحه أصبح مؤكد ولكننا نريد
ان نجتمع علي مرشح واحد بالصوت الاول فلا داعي لتشتيت الاصوات بدون داعي ))

السلام عليكم ورحمة الله وبركاته

اتشرف ان اكون أول المشاركين واساند المرشح الحاج
عبد الوهاب السنبسي

واتمني التوفيق للجميع
ـــــــــــــــــــــــــــــــــــــ
محمد فوزي

الصوت الأول للحاج عبدالوهاب السنبسى
والصوت الثانى لواحد من دشنا انا اعرفه

استاذ احمد
بالرغم من كلامك رايك السابق وتاييدك للدكتور محمد
وذكرت بانه اول اقوى المرشحين فلم تعطه صوتك
حاجة غريبة وياريت افهمها
وعلى فكرة كلامى مفيهوش اى تلميحات وياريت تفهمنى صح
انا عايز افهم
ودى طبعا بعد اذنك

هو كلامك صح يا عماد هو قال انه اقوى المرشحين هما الحاج عبدالوهاب السنبسى والدكتور محمد حسن اللى هو بلدياته وهو مؤيد لهما ومع ذلك حاسس انه فى معلومات مبهمه يا ريت يا استاذ احمد توضحها لنا

يا جماعة ياريت تفهموا الموضوع كويس احنا عايزين مرشح نجتمع عليه بالصوت الاول علشان يبقي موقفه قوي والصوت الثاني كل واحد حر فيه يديه للي عايزه .................
ـ وياريت بدل الدخول في احاديث جانبية احنا في غني عنها كل واحد يعرض رأيه أيا كان _

وشـــــــــــــــــــــــــــكــــــــــــــــــــــــــــرا لــــــــــــــــــــــــــكــــــــــــــــــــــــــــــــــم

وتمنياتي بالتوفيق للجميع

يا أخوانى أنا يأيد الأثنين ماشى مفيش مشكلة انا بقول نحن عاوزين نختارواحد بس من الاثنين

غرييييييييييييييييبة........................

يامعالى الباشا الكبير لو سمحت افهمنى حتى لو دقيقة واحدة انا بقولك انا مع الاثنين دوله ازاى يعنى نحن عاوزين نتحد من واحد من الاثنين دوله يعنى نختار واحد بس منيهم يعنى الحاج عبدالوهاب او الدكتور محمد ولو مش عابينك الاثنين دوله ممكن لو البلد تتحد مع حد تانى غير الاثنين دوله انا ماك ماشى بس مش علشان قريبك نازل انتخابات تبقى انت معاه لوحدك فهمتنى لازم البلد كلها مجتمعا معاه افهمنى امانة عليك انا بقول نختار واحد بس من الاثنين مش هما الاثنين !!!!!!!!!!!!!!!!!!

يا ريت يا استاذ عماد ويا استاذ أحمد كل واحد فيكم يقول هيدي صوته الاول لمين
(( يعني من الاخر يختار مرشح واحد فقط أيا كان واحنا اكتر مرشح يختاره اعضاء المنتدي هنوقف معاه جميعا بالصوت الاول اكرر بالصوت الاول ))

وياريت بلاش نخرج عن الموضوع الرئيسي

هقلك حاجة علشان الاستاذ عماد يستريح كل المراشدة مش انا ولا عائلتى بس
الصوت الاول للحاج عبدالوهاب السنبسى
والصوت الثانى لمرشح من دشنا

ممكن نهدى شويه يا اخوانى
انا هاقولها ولاول مره على لسانى انا الصوت الاول لمصلحه البلد العامه ايا كان هو والصوت الثانى للعقيد بهاء حامد مرشح الشرق

بكل الحب والاخلاص وحسن الاختيارأبايع بصوتى الاول للحاج عبدالوهاب السنبسى

والصوت الثانى الى سيادة العقيد بهاء حامد

وندعو الله ان يوفقهم جميعا

ممكن اشارك الراى

الصوت الثانى الى

الحاج مدحت خيرى

مرشح الشباب 2010

السلام عليكم ورحمة الله وبركاته

اتشرف ان اكون من المشاركين واساند المرشح الحاج
عبد الوهاب السنبسي

واتمني التوفيق للجميع وشكرا

ئيدبكل حب واحترام الحج عبد الوهاب السنبسى والتانى الحج حمدى عبد المطلب

يا استاذ على
معليش ممكن تقولى مين الحاج حمدى عبد المطلب لانى غير موجود فى البلد يعنى من دشنا ولا الوقف والقليمينا

بسم الله الرحمن الرحيم
السادة أعضاء منتدي أبناء الوقف والسنابسة واخواننا الأعزاء في المراشدة ودشنا
تحية طيبة وبعد
كلنا يعرف مدي صعوبة الانتخابات القادمة لعضوية مجلس الشعب 2010 م وحتي ان اجتمعت السنابسة مثلا علي مرشح مثل الاستاذ الفاضل الحاج عبد الوهاب السنبسي فليس معني ذلك بأنه سينجح وان اجتمعت الوقف كلها علي مرشح واحد أيضا فيصعب عليه النجاح وسوف أتكلم بالأرقام أولا :
عدد الناخبيبن في مركز الوقف والمراشدة مجتمعيين 45000 ناخب ولدينا قوائمهم نخرج منهم النسبة والمغلوطات وبعد ( التسويد) يصبح عدد الناخبين في الصناديق للمرشح الموحد مثلا 10000 صوت فقط وارجعوا للتاريخ لم يعبر اي مرشح هذا الحاجز سوي د.عبد الرازق السنبسي وصل في بعض الجولات الي 11000 صوت وتصوروا مع هذا الفرق!!

ثانيا:عدد أصوات الناخبين في دشنا تتعدي حاجز 120000 صوت ويسود منهم ويصوت حوالي 70000 صوت تخيلوا معي هذا الفرق؟؟ ويحتاج المرشح للنجاح 50 % للأصوات + 1 وهذا ما يجعل مرشح الغرب يجب أن يحصل علي قرابة 5000 صوت من دشنا!!!! وهذا طبعا تحت عدة شروط:

أولا : مثلا لو اتفقنا علي السيد عبد الوهاب السنبسي فيجب علي بقية المرشحين التنازل له وليس التنازل فقط ولكن الوقوف بجانبه وهذا ما يعتبره الكثيرون من رابع المستحيلات فبوجود الدكتور محمود جوده في الدندراوية والسيد محمود الشيخ من البهايجة والسيد طارق السنبسي مرشح الوفد لعضوية مجلس الشعب والسيد المهندس جمال نقل من السنابسة وبعض المرشحين من القلمينا والسيد الدكتور محمد حسن من المراشدة والمرشح بداخل الحزب الوطني أعانه الله ومعظمهم من العيار الثقيل ولهم خدمات شاسعة في البلد يصبح التكاتف شبه مستحيل....!!!!
ثانيا:وجود عصبيات بين أبناء مركز الوقف والتي لا أعير شخصيا لها بالا وكانت لها الأثر الاكبر في انتخابات سابقة
ثالثا: وجود مرشحين أقوياء جدا ولها أصوات كثيرة جدا في الوقف والمراشدة أمثال السيد حسين ابو الوفا مرشح في المجمع الوطني واسألوا أبناء المراشدة عنه والسيد طارق السباعي النائب الحالي وله قوة كبيرة في بلده وايضا يلقي قبول من بعض أبناء الوقف والسيد كمال موسي الجامعي اللامع والسيد بهاء حامد العقيد المشهور والسيد مدحت مرشح الشباب وحسين باجاتو بناحية فاو والسيد حسين الوكيل وهو قوة لا يستهان بها..... كل هؤلاء أحبائي في الله وغيرهم كثيرون جدا أقوياء ويملكون من الأصوات من الوقف قبل دشنا

اذا حللتم هذه الألغاز أعدكم بنجاح احد مرشحي مركز الوقف