ايه رأيك فى رحله بحريه

عايز اعرف رأيكم ايه فى
لو اتعرض عليك رحله فى البحر الاحمر لرأيه الشعب المرجانيه
والاستمتاع بالجزر البحريه ورأيه أجمل أنواع الاسماك والكائنات البحريه
هل ستقبل هذه الحله لرأيه بلدك ومعرفه مصر من الداخل
وما هو السعر الذى تتوقعه مقابل رحله يوم (داى يوز) شامله الاكل والمواصلات والرحله البحريه
وما هى الاشياء الاخرى التى تتوقع ان تشاهدها او تستمتع بها
والسؤال الاقوى
هل شاهدت الشعاب المرجانيه مره
ماذا تعرف عن الحياه تحت الماء
هل شاهدت الدلافن فى مكان غير عالم البحار
هل تريد ا تشاهد الدلافين
هل لو الرحله غير مكلفه هل تحاول ان تجمع اصدقائك والذهاب فى رحله لاستكشاف مصر من قرب
هل لو انت فى شهر عسل تريد ان تذهب فى رحله لمده يوم او يومين او اكثر
ماذا لو انتفى اجازه من الشغل وتريد ان تغير جو فى الميه الرائعه بالبحر الاحمر
لو لديك اجابات لهذه الاشياء اخبرنا ارجوك لنساعدك
انا فى انتظار ارائكم وابداعاتكم وشكرا

أكيد حقبل يكون تغير جو والواحد يكثر الملل اللي شايفة علطول فكرة رائعة

عايزك يا محمود تقولى رأيك فى باقى الاسئله
ذى السعر والشعاب المرجانيه

السعر: يكون معقول
الشعب المرجانية: اكيد شكلها جميل والكل بيستمتع بيها
وما هو السعر الذى تتوقعه مقابل رحله يوم (داى يوز) شامله الاكل والمواصلات والرحله البحريه يا ريت الرد

وليد
الاسئله دى كلها ليه
اياك تقوللى الحاجات دى حرام
وعن باقى الاسئله
انا طلعت رحلة بحرية من الجونة
وشفت الشعب والدولفين
السعر
على حسب المركب اللى هتطلع وعدد الافراد

يا وليد ماهو السعر يفرق يعنى هاتطلع من البلد ولا من الغردقه علشان تعمل حساب المواصلات
وزى ماقال عماد السعر برضو على حسب المركب اللى هتطلع وعدد الافراد

الحمد لله على السلامه يا عومدا نورتنا ياعم فينك
وفين التواصل بتاعك قل خالص انت نسيت السنابسه ولا ايه اخدتك الدنيا
انا فرحان بتواصلكم الجميل فى الموضوع ده
وبعدين متخافش يا عمدا مش هاقول حرام ولا حلال لان القضيه دى اكبر منى
انا كنت عايز اعرف السعر الى تتوقعه عشان تعمل الرحله دى من قنا ماشى ياعمور
ويامحمود انا عايز اعرف مدى قابليه الناس للنوعيات دى من الرحلات الاستكشافيه الممتعه
{أعرف بلدك} من هذا المبدأ والرساله اريد ان اعرف مدى قابليه الشباب لهذا الموضوع

والله يا وليد انتا لو طرحت الفكره دى وعملت ليها دراسة جدوى وشوفت كوست الرحله يكلف كام هى على فكره مش هاتكون غاليه عامتا يعنى ولو كونت 14 فرد ممكن تطلع بمركب لوحديكم واهى منها فسحه ومنها تعرف معالم بلدك

طبعا اوافق على الرحلة ....أما بالنسبة للسعر حتى ولو كان مرتفع لما نكونوا مع بعض مش

هتفرق معانا ...أما بالنسبة لرؤية الشعب المرجانية انا شفتها كتير بس لما نكون مع بعض

هتبقى أحلى !!!!!!!!!

أما بالنسبة للحياة تحت الماء حياة جميلة جدا بس ياعم تحت رعب رعب رعب

أنا كنت فى رحلة غوص قبل كده وكان معاى المدرب مش لوحدى أنا بغوص بحس ان

سمكة قرش جاى عليا والمشكلة أنى قبل ما بنزل المنطقة دى بكون عارف أنها مؤمنة وبرده بكون خايف

فكره جميلة جدا خصوصا إني وليد هيجيب تصاريح للدخول للبحر الاحمر يعني مفيش حد هيضايقك وانت رايح بس انت مقلتش السعر يا وليد وايه رأيكم قبل رمضان اعضاء المنتدي يقضوا يوم هناك؟
يا ريت تردوا واعرف رأيكم اكيد هيكون يوم جميل

السلام عليكم ورحمه الله وبركاته
اليوم انا والحمد لله اتممت دراسه الموضوع الا القليل
بالنسبه لعمور انا عملت دراسه للموضوع ولقيت ان الحكايه مش مكلفه قوى وعشان كده انا حبيت اسوقها للمصرين وخصوصا الصعايده الى مفيش حد مهتم برغباتهم وهما عايزين ايه والسعر هايكون مفاجأه لما اعرف انتو اول ناس هايشتروا الرحله ولا لا
وانا متعمد انى ماتكلمش على السعر عشان اعرف رايكم فى قيمه الرحله اساسا انت عايز تعملها ولا لا واذا كنت عايز متوقع سعرها يكون كام
وفى مفاجأه تانى تعرف انك ممكن تطلع الرحله دى ببلاش خالص
اذاى انت ليك نسبه او عموله على كل واحد تجيبه من طرفك يطلع الرحله
يعنى انت لو جبت 10 أفراد وده عدد مش كبير هاتطلع الرحله مجانا ولو جبت اكتر من العدد ده هاتاخد فلوس يعنى انت ممكن تستمتع بالرحله وكمان تكسب منها
وبالنسبه لمصطفى انا عارف ان الحياه تحت الميه فيها شوية خوف بس ايه رأيك فى الى شفته شوفت الشعب الحيه والاسماك المتنوعه طبعا شوفتها صح
بس دى رحله سنوركلنج يعنى رحله على وش الميه مش غطس بس الغطس متعه صح
وخاصة لو تعرف تعمل غطس وكمان بيكون معاك انستراكتور
يا أسامه انت شايف انك ممكن تدفع كام مقابل الحصول على المتعه دى كلها وهل انت مستعد انك تكسب من تسويقك للرحله دى يعنى السعر مش مهم قوى يعنى انت ممكن تاخد فلوس فكر فى الموضوع من الناحيه دى انا باحلم ان شباب السنابسه يهتم بالتسويق ودراسه هذا النوع من الربح يعنى انت لو عرفت معانى التسويق ممكن تكسب من غير ما تتعب وعلى العموم انت لو عايز تعرف السعر بعد ما تبدى رأيك فى الموضوع ومدى استعدادك هاقولك على السعر
وشكرا

طيب يا وليد خلى بالك انه باقى على رمضان ايام قليله يعنى احتمال اول رمضان يكون موافق 10 او 11- 8 فعليكم بسرعه تنفيذ الرحله

ورحله موفقه ان شاء الله

أكيد يا وليد

أنت بتشتغل في التسويق حالياً

و ده شئ هام جداً في قطاع الدعاية و الإعلان

أنا استشفيت كده من كلامك

و بصراحة التشويق عالي جداً لمموضوعك

برافو .... وليد

ان شاء الله ا عمور الموضوع ياخد راحته خالص وبعدين يبدأ صح ان شاء الله
واحنا مش مستعجلين قوى اهم من الشغل تظبيط الشغل {كلام سياحه}

الاستاذ حماده كل يوم بتسبتلى حاجات مهمه فى شخصيتك
ربنا ان شاء الله يوفقك
وشكرا على الشهاده الى باعتز بيها

الله يباركلك يا حماده والله
ده كتير على
انا بس من المتابعين الجيدين لاساليب الدعايه

إن شاء الله تكون من المتخصصين في هذا المجال يا وليد

امين

السلام عليكم ورحمه الله وبركاته

انا اليوم اريد ان اعلن لكم عن اول رحله بحريه الى شعاب البحر الاحمر وجزيره

يوتوبيا

شامله الاكل والشرب والمواصلات والمتعه فى المركب البحرى والجلاس بوت

او المركب الزجاجى للاطفال والنساء والغير قادرين على السباحه

كل هذا وأكثر كما تعلمون بسعر خيالى 100 جنيه للفرد

والطفل بنصف السعرالى سن 13

والاطفال من سن 1 الى 3 مجانا

واول رحله باذن الله تعالى ستكون ثانى يوم عيد الفطر المبارك

وعلى الراغبين بالالتحاق باول رحله بحريه للمصرين يسارع بالانضمام

وذلك لحجز مكان له فى هذه المتعه الغير منتهيه قليله الثمن بالنسبه للاستفاده

وذلك لتزايد العدد ومن الممكن عمل يوم اخر لتزايد اعداد الرغبين فى ان يكونو

اول المشاركين فى هذه الرحله

لانه سيتم تصوير المشاركين الاوائل بالصوت والصوره والصور الساكنه

وستكون بمثابه ارشيف لرحله الاولى فى شعاب البحر الاحمر للمصريين

رحله مصريه 100%

رحله موفقه ان شاء الله يا وليد وان شاء الله ها تلاقى اقبال كتير عليها

تمنياتى لكم بالتوفيق

احنا هاناخد اسامه معانا يا عمور طالما انت مش فاضى

ماشى يا وليد وانا موافق بس نشوف رأيه هو وعلى ما اظن انه موافق ومش هايكون لوحده ده اكيد هايجيب صحابه كمان

يشرف هو واصحابه بس هو يدخل ويرد الاول