نكت غير سياسية

مع انى مبحبش النكت وخاصة السياسية ولكن.......
اجمل النكت السياسة

كانوا بيمسكوا كل حمير الغابة ففي قرد لقي اسد بيجري
القرد : بتجري ليه يا اسد
الأسد : اصله بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد

وزير الدفاع الصينى
ماهو اسم وزير الدفاع الصيني؟
شن حرب شن

مفقدون
خرج الطفل فرفر بقدونس يشترى عشرة أرغفة من منفذ العيش المجاور لمنزلهم لكنه تاه فى الطابور منذ يومين ولم يعد... والده يوجه نداء لأولاد الحلال ان من يعثر عليه يقول له: أبوك فى أزمة.. رجع الخمسين قرش!!!

فى المترو
وقف رجل ثقيل الوزن فوق قدم الراكب الذى بجواره فى المترو وحاول الرجل أن يخلص رجله من تحت قدمه ولكن محاولاته كلها باءت بالفشل فقال له بأستعطاف من فضلك ممكن تشيل رجلك اللى دايسه على رجلى فقال له:ليه-أنت نازل المحطة دى؟؟

نظرة إقتصادية
- ماما .. أنا سمعتك بتتخانقي مع بابا وبتقولي له انك مشترياه بفلوسك.
- وعاوز ايه؟
- باقول يعني مش كنتي تدفعي فلوس زيادة شوية وتشتري واحد أحسن منه.

فواتير
زوجة بتقول لزوجها فاتورة الكهرباء جت 15جنية بس
قالها يارب تفضل تيجى كدة بعد ما يدخلوا الكهرباء

ف الجيش
واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله
اللواء "فريد" جه؟
قاله لسه ما جاش. وبعد ساعة أخرى رجع له تانى وسأله
اللواء "فريد" جه؟
قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيتك.

آخر إجرام
واحد بلديتنا حب يعمل ارهابى خطف ابنه محدش سال عليه قتله

كلب بوليسى
كلب شوارع مر من جنب قسم شرطة شاف كلب بوليسي
قال آخ لو كملت تعلمي

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى الحاكم...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

المصدر : http://100fm6.com/vb/showthread.php?t=54743 - 100fm6.com