تعلم كيف تفعل من الليمون المر عصيرا حلوا(1)

ااتوجه بكل الشكر الى ادارة المنتدى على انشاء هذا القسم واتمنى ان يكون هذا القسم من الاقسام ذات الفاعلية العالية فى المنتدى وتقع هذه المسؤلية على عاتق جميع الاعضاء وعلى رأسهم رواد ودارسى التنمية البشرية

عموما سنناقش فى هذا القسم اى مشكلة تقع امام اى شخص من الاعضاء ونعرف كيفية التغلب عيلها بمساعدة باقى الاعضاء أو أى قصور وقعت عليه عين أحد الاعضاء والجميل لو مشكلة حدثت أمام أحد الاعضاء وعرف حلها بطريقة أو باخرى المهم أنه أعضاء المنتدى يجدوا قسم يعتمد على حيوية التفكير ولانه رايك يهمنا يبقى ياريت متحرمناش منه وادخل القسم لتعرف اخر المشكلات

نبدأ بالمنتدى انا شايف انه خلفية المنتدى يفضل ان تكون باللون الاخضر حيث انه مريح للنظر بل ومقوى للنظر كما ورد فى كتاب الطب النبوى فما راى الاعضاء

والله يا مصطفى نشوف راى الاعضاء ونشوف اداره المنتدى فى اختيار بعض الاستايلات للمنتدى ونجتمع على استايل منها

بارك الله فيك

يوجد بقسم المديرين والمشرفين عدد من الاستيلات للمنتدي
ولكن الاعضاء فضلوا هذا التصميم خصوصا وأنه مريح للعين
وجمع الخانات والكلمات تظهر بوضوح
شكرا لتواصلكم

شكرا للمهندس محمد فوزى ونرجو منه المشاركة فى باقى الموضوعات ونرجو من الاعضاءالدائمين تفعيل هذا الموضوع حتى يعرف باقى الاعضاء بانشاء هذا القسم الجديد وشكرا

ان شاء الله دائما فى تواصل

كابتن / مصطفى

إن شاء الله تزيد فاعلية هذا القسم أكثر و أكثر

و أنا تحت أمر بلدتي الحبيبة السنابسة

و أنا في خدمة جميع أحبائي من أبناء بلدتي في أي وقت إن شاء الله

وهو ده عشمنا فى المهندس حمادة مرسى ونتمنى مشاركة باقى الاعضاء

بارك الله فيك

الموضوع دا المضمون بتاعه لا ينطبق تماما علي عنوان الموضوع
يا ريت كاتب الموضوع يوض وجهة نظره

1-السلام عليكم ورحمة الله وبركاته أخى أحمد لا أعرف ما الشئ الغامض بالنسبة لك فى الموضوع لان عنوانه "تعلم كيف تفعل من الليمون المر عصيرا حلوا(1)" وانا فى اول الموضوع كتبت "ااتوجه بكل الشكر الى ادارة المنتدى على انشاء هذا القسم واتمنى ان يكون هذا القسم من الاقسام ذات الفاعلية العالية فى المنتدى وتقع هذه المسؤلية على عاتق جميع الاعضاء وعلى رأسهم رواد ودارسى التنمية البشرية " وذلك لأنى من اقترحت فكرة انشاء هذا القسم والمنتدى حقق لى هذه الرغبة

2- وبعد كده كتبت "عموما سنناقش فى هذا القسم اى مشكلة تقع امام اى شخص من الاعضاء ونعرف كيفية التغلب عيلها بمساعدة باقى الاعضاء أو أى قصور وقعت عليه عين أحد الاعضاء والجميل لو مشكلة حدثت أمام أحد الاعضاء وعرف حلها بطريقة أو باخرى المهم أنه أعضاء المنتدى يجدوا قسم يعتمد على حيوية التفكير ولانه رايك يهمنا يبقى ياريت متحرمناش منه وادخل القسم لتعرف اخر المشكلات " لانى حبيت أعرف الاعضاء الغرض من انشاء هذا القسم فاستثمرت الوضوع فى توصيل هذه الفكرة للاعضاء وأنل لا أعتقد أنه استثمار خاطئ خصوصا أنه اسم القسم كمدلول هو نفسه اسم الموضوع

3- وبعد كده كتبت "نبدأ بالمنتدى انا شايف انه خلفية المنتدى يفضل ان تكون باللون الاخضر حيث انه مريح للنظر بل ومقوى للنظر كما ورد فى كتاب الطب النبوى فما راى الاعضاء " وبكده نعتبر أنه كل اللى فات مقدمة وندخل فى الموضوع ويعنى ايه الكلام ده افهمك يعنى نبدأ نطبق الكلام النظرى الى نظرى مثمر وقد حدث ذلك برمى بذرة مشكلة خلفية المنتدى التى رواها العضاء بتعليقاتهم

4- وأنا لا أعتقد انك تقصد بأن الموضوع لا يطابق للمضمون بأن يكون العنوان مثلا "تعلم كيف تفعل من الليمون المر عصيرا حلوا(1)" والموضوع بأن تاتى بالليمون المر وتضعه فى الخلاط ثم تضع 2كوب ماء و3معالق سكر ويضربوا فى الخلاط جيدا " لأن عقولنا أكبر من ذلك ((دعابة))

من الأخ مصطفى الى اخيه Eng.osama أتمنى ان تفكر فى الفكرة لتنجحها ولا تفكر بها لتفشلها

واتمنى ايضا أن أكون لبيت طلبك الذى قلت فيه "يا ريت كاتب الموضوع يوض وجهة نظره" وشكرا

انا مش شايف انه في فكره جديدة اصلا علشان افكر اني افشلها وانا اكبر من اني افشل
اي فكره تساهم في نجاح المنتدي
وان كان علي موضوع التنمية البشرية انا بقدم الشكر لحماده مرسي علي مجهوداته في الارتقاء بهذا الموضوع وللعلم هو اول من فكر في ادخال موضوع التنميه البشريه في المنتدي.

حصل خير وان شاء الله نتقابل يوم العيد بعد صلاة العشاء ونتفاهم

بارك الله فيك

على فكره يا مصطفى ده اسامه اخويا

الاسم : اسامه عبدالرازق فهمى

طالب بكليه الهندسه جامعه اسيوط

العنوان شارع البدارنه بجوار المخبز الالى

ونتقابل بكره ان شاء الله

الغرض من المنتدي انه يعرف ويجمع الاعضاء وليس خلق العداءات
ا
بس انا في الاخر مسامح يا مصطفي وبقلك كل سنة وانت طيب

اييييه مييين أخوووووووووووك طايب مش تعرفنا من الأول بدل مسيبنا نخبطوا مع بعضينا فى الحلل وعموما فرصة سعيدة جدا وشرفنى التعرف بك والحمد لله انها جات على قد كدة وعلى راى المثل ما محبة الا بعد-------------- الله لايجيب عداوة وأنا بأشكر المنتدى انه بيعرفنا على أهلنا وأصحابنا وأحبابنا وعيد سعيد ياعمرو أنت وأسامة وعلى فكرة النهاردة ان شاء الله حنتقابل بعد صلاة العشاء واحتمال نقعدوا عند وليد والدعوة عامة للجميع

أخى العزيز نحن أخوة فى الله ومعنا انك تنسحب يبقى أنت كدة بتحرمنا من شرف التعرف بك أنا مكنتش اعرف انت مين ولو كلامى ده زعلك فأنا باتاسفلك أمام الجميع وتقبلك لأسفى هو أنك تستمر معنا فى المنتدى بين أهلك وأخوتك ولا تعتقد انى سأنتظر لحظة واحد فى المنتدى بعد خروج اى عضو منه وانا أكون السبب وبعدين يا اخى أنا عرفت متأخرا انك الغالى واخو الغالى وبعدين كمان أنت السبب لأنك لم تدخل باسمك الكامل والأعضاء عارفين أنى مش موجود فى البلد ومش متابع قوى رجاء تقبل عزرى وفى الأخر احنا أخوة فى الله ولو اللى انا كتبته زعلك انا هأغيره فى الحال المهم انه احنا منخسروكش وبلاش تزعلنا فى العيد واحنا اول مرة نتقابلوا مع بعض ولا ايه ررررايك انت وعمرو

السلام عليكم ورحمه الله وبركاته

اولا كل عام وانتم بخير

يا مصطفى على فكره انا شفت الرد بتاع على اسامه ومرضتش اعدل فيه عارف ليه لسبب انا لو عدلت فى الرد بتاعك انتا ممكن تزعل وتقول ده عدل الرد بتاعى علشان يعجب اخوه ( دعابه ) وغير كدا انتا اتأسفت لاسامه على الملاْ وامام الجميع ده على فكره مش ضعف ولكن دى قوة فاكر المقوله بتاعتك كيف نحول نقاط الضعف الى نقاط قوة
انت عارف لو واحد غيرك مكانش عمل كدا كان هايقولك انا كدا هابقى ضعيف فى نظره لا الكلام ده غلط انتا كدا قوه لما تكسر حاجز الضعف ده وتحوله لقوى

وانا مش ها اطول عليكم فى الكلام الكتير ده وان شاء الله انا هاجى من شرم الشيخ بكره الصبح

المهندس / اسامه

ياريت قبل ما نتخذ اى قرار فى لحظه انفعال نفكر كويس او اعمل زى ما بيعمل اخوك يا خى عد من واحد الى عشرة وبعدين اتكلم واتخذ القرار ومع كل احترامى ليك انا ها اعدل المساهمه بتاعتك دى

والله يا عمرو أنا مكنتش اعرف منين أسامة مش مين أسامة ولا أخو مين أسامة ولكن عندما عرفت شعرت أنى كنت بشد مع نفسى مش مع اسامة ولا تهويل وعيد سعيد

ربنا يخليك يا كابتن مصطفى وكل سنه وانت طيب

السلام عليكم ورحمة الله وبركاته
والله ما كان في اي داعي للاعتذار ولا حاجه
احنا في الاخر اولاد بلد واحد وزي الاخوات
واحنا في اخر الشهر الكريم وبكره عيد ومينفعش اكون زعلان من حد
وانهارده يوم خاص جدا في هذا الشهر الكريم حيث ترفع اعمالنا الي المولي عز وجل
ولا يرفع عمل اثنان بينهم شحناء الي الله عز وجل ويرد ثانية
انا كتبت الكلام دا عشان أأكدلك انه مفيش بيني وبينك إلا كل خير
وانا متشكر علي الكلام اللي اتكتب بالخط الاحمر
وكل سنة وانت طيب وان شاء الله عيد سعيد

يعنى أفهم من كده اصدقاء يا أسامة

موضوع: المستحيل الخميس سبتمبر 09, 2010 12:03 pm

لو ان الانسان مقتنع داخليا بفعل شىء ما قد يكون مستحيلا 00من وجهة نظره 0فستلين له كل الصعاب 000اذا كان مع الله

لا يوجد شئ مستحيل أمام ارادة الله ثم ارادة الفرد وقد رايت أخى الحوار الذى دار بينى وبين أخى أسامة وكم هو حوار بناء وكم هو نقاش مثمر وهذه هى النتيجة أمامك أصبحنا أنا وأسامة أحباب ادام الله الصحبة وشكرا لك أخى على تعليقك وفى انتظار مشاركات هادفة وشكرا صديقك مصطفى

اكيد يا مصطفى اصدقاء

اكيد طبعا يا مصطفي

» تفعل أو لم تفعل
» ماذا تفعل لو امتلكت الآن مليون جنيه؟
» هل تعلم أن (2)