بسم الله وعلى بركة الله الأستاذ عبدالوهاب السنبسي يترشح لمجلس الشعب

السلام عليكم ورحمة الله وبركاته
السادة الكرام أبناء السنابسة والوقف
قرر الحاج عبد الوهاب السنبسي الترشح لعضوية مجلس الشعب عن دائرة دشنا والوقف
وذلك بعد خلو مركز الوقف من التمثيل النيابي معتمدا علي الله ثم علي وقوفكم معه
متمنين من الله التوفيق للجميع[center]

احنا مع اى مرشح من السنابسه لكن ارجو منك كاتب الموضوع ان تعيد النظر فى طريقة عرضك للمرشح المحترم الحاج عبد الوهاب
وشكرا

خالص تمنياتي ودعائي بالتوفيق للحاج عبد الوهاب سدد الله علي الخير خطاه

العضو المحترم احمد
اولا الوقف والسنابسة لم يفقدا الهيبة ابدا
ان شاء الله تحت اى سبب
احنا كلنا نسمع خير عن الحاج عبدالوهاب
وانا اول واحد اساند الحاج ف الانتخابات من كل قلبى
لانه فعلا خير من يمثلنا
ومن خلال المنتدى بتاعنا يلا بينا كلنا نساند الراجل المحترم
وانا باتكلم من خلال اللى سمعناه عن الحاج واخلاقه يعنى ملييش معاه اى مصلحة شخصية

وبرده عايزين تفسيرات لبعض الاشياء من الاستاذ احمد

لو موافق ان اعرضها على المنتدى او يجتمع السيد عبد الوهاب بينا واحنا نعرضها عليه

مستنى الرد

شكراً للجميع وأرجو من السيد وليد ابداء وجهة نظره كاملة حتى لو في رسالة خاصة حتى استفيد منها واعدل الطريقة
ويا استاذ عماد تحياتي لك ولكن لم أقصد بفقد الهيبة هو المرمطة واعذرني على اللفظ انا اقصد الهيبة وهي نبذ التعصب الأعمى العائلي والخلافات اي انا أريد الاتحاد
وانظر الى ما بعد نتيجة الانتخابات الماضية أقسم بالله كنت في اشد الحزن وطأطأت رأسي في نجع حمادي فقد فقدنا شيئاً عزيزاً وهو العضوية بينما وجدت في السنابسة بعض الفرحين وعائلات من الوقف فرحانين في السنابسة و عائلات من الشورية والشيخ علي فرحانين في الوقف فلماذا ؟
أنا بكلمك وأنا في نجع حمادي وعارف وشايف عن بعد ايه اللي بيحصل وأسباب ضياع الكرسي معروفة لدى الجميع وأهم أسبابها الاختلاف والتفرقة بين البيوت

الإتحاد قوة وهيبة

انت تأمر يا وليد والطلبين تحت أمرك الحاج يرحب بمقابلتك لما يروح البلد وانا تحت أمرك في المنتدى هنا

الله يباركلك
وشكرا لاستجابة الحاج لطلباتنا وده المتوقع من شخصيه محترمه ذى حضرته

وبالنسبه للموضوع الى عايز استفسر عنه وعن اسبابه انا هاستنا لما نتفابل مع الحاج عبد الوهاب

خالص تمنياتي للحاج عبد الوهاب
والله الموفق والمستعان
نرجوا من الحاج عبدالوهاب تجهيز برنامج انتخابي علي اعلي مستوي

ولايلدغ المومن من جحر مرتين
وبصراحة حقة ويستاهلها

خالص تمنياتي للحاج عبد الوهاب
والله الموفق والمستعان
نرجوا من الحاج عبدالوهاب تجهيز برنامج انتخابي علي اعلي مستوي

ولايلدغ المومن من جحر مرتين
وبصراحة حقة ويستاهلها

شكراً لحماس الجميع لمصلحة البلد العامة ونحن قادمون الى عهد جديد المصلحة العامة هي الأساس بدلاً من المصلحة الخاصة ومصلحة ده لأنه تبعنا وده مش تبعنا ولازم الوقف تعلى بأبنائها الأصليين الطيبين احنا كلنا واحد سنابسة ودندراوية وبهايجة وعزازمة وهداورة ومراشدة وقلمينا ولعن الله من تسبب في فتنتنا و تعصبنا الأعمى
وعايز أقول حاجة مهمة وانا متأكد منها ان الحاج عبدالوهاب يحظى بحب جميع عائلات الوقف والجميع متفقون عليه (( إلا البعض )) وهم الكارهون لأبناء الوقف الأصليين الذين زرعوا الحقد بين العائلات وكرهوا الوقف في السنابسة والسنابسة في بعضهم
واللي حصل من فرحة البعض في الوقف فأنا أترك الموضوع لكم وكل واحد يدينا رأيه في لماذا فرح بعض الناس بذهاب مقعد الوقف في الشورى؟
منتظر ردودكم

انا راي ان الناس فرحت لأن العين تبكي علي النافع

برضو لسه السبب الحقيقي
بس مصطفى قرب منه قوي

[b]
لما تكون بعيد عنى ومش حاسس بيا
لازم ادور ع اللى يكون قريب
وع الاقل يسمعنى من غير تطنيش

بارك الله فيك ياحماده

السلام عليكم ورحمه الله وبركاته

عائله بيت الشيخ حسين جاد عيسى تؤيد وتبايع الحاج عبدالوهاب للترشيح لعضويه مجلس الشعب

وبنقوله سدد الله خطاك ونحن مع الى النهايه

عنهم محمد اسماعيل جاد عيسى وشهرته محمد ابو الشيخ

ربنا يوفقنا ان شاء الله

الاستاذ/ احمد عبدالوهاب
اود ان انبهك بالاتي
في البداية الاستاذ/ عبدالوهاب انسان خلوق جدا و انا عرفته عن قرب .
ما يوخذ عيك ولن يرضي والدك :
اثارتك لموضوع فلوس المدرسة في هذا الوقت لن يفيد و تحديد شخص يسالوه ليوضح لهم الامر
هذا خطا كبير.
.نريد ان نعرف مين الثلاثة المخلفين لنطلب منكم العفو عنهم لتوحيد البلد لا لاسترار تفرقها.
تقول ( الا البعض و هم الكارهون لابناء الوقف الاصليين الذين كرهوا الوقف في السنابسة
و السنابسة في بعض ) هذه اكبر الاخطاء منك .
و انا اعرف انك تربيت و ترعرعت في نجع حمادي يعني بعيد عن البلد .
للعلم جميع عائلات السنابسة بل كل بيت تربطه بالاخر صلة قرابة او نسب وهي البلد الوحيدة
المترابطة عائليا و ليس بها غرباء.
لا يمكن وضع مقارنة بين الدكتور عبدالرازق و اي واحد في الغرب او في محافظة قنا كاملة
ولتعلم ان والدك لن يترشح الا اذا رشحه الحزب و في هذه الحالة فان الجميع وراءه وان جميع
اهالي السنابسة يقددروه
و انا اشك انه يترشح مستقل لان المسئولية و التكلفة كبيرة و هنا كل شيئ منتهي .
اي ان اترشح عن طريق الحزب فالفرصة كبيرة .
والمثل صحيح انا و اخويا علي ابن عمي و انا و ابن عمي علي الغريب .
هذه نصائح ومساندة لوالدك .

ندعو للأستاذ عبدالوهاب السنبسى بالنجاح والتوفيق وهو خير من يمثل مركز الوقف فى أنتخابات مجلس الشعب المقبلة .....

فلابد من وجود كرسى سواء كان شورى او شعب فى مركز الوقف فأنا أنضم لكلام أحمد عبدالوهاب فى بعد خلو الوقف من التمثيل النيابى لابد من وجود
أحد يمثل مركز الوقف سائلين الله عز وجل بمساندة أهل الوقف للأستاذ عبدالوهاب السنبسى

طيب وأهل دشنا يا مصطفى مش هايساندو معانا ولا ايه همتك معانا انتا برضو

وبالتوفيق انشاء الله

نحن بأمر الله معاكم والله ..........

وبعدين والله ياعمرو من غير مجاملة كل بندر دشنا مركز الوقف ليه معزة خاصة عندينا

خلى بالك البندر بس مش القرى يعنى الصعايدةى وصفارة والخولا وكده يعنى

اما المشكلة فى القرى ملهمش صاحب وانت مش عارف انه الخيانة جات من قرى مركز دشنا فى انتخابات الشورى اللى فاتت ..........اما بالنسبة لبندر دشنا اعلى الاصوات للدكتور عبدالرازق فى انتخابات الشورى

وده عشمنا برضو فيكم وربنا يقدم اللى فيه الخير

بكل صراحة ووضوح الحاج عبدالوهاب رجل محترم جدا جدا جدا وده من السمعة اللي باسمعها عنه وانا وعائلتى نؤيده ونتمنى له النجاج امين

محمد محمود كتب:

الاستاذ/ احمد عبدالوهاب
لا يمكن وضع مقارنة بين الدكتور عبدالرازق و اي واحد في الغرب او في محافظة قنا كاملة
ولتعلم ان والدك لن يترشح الا اذا رشحه الحزب و في هذه الحالة فان الجميع وراءه وان جميع
اهالي السنابسة يقددروه
و انا اشك انه يترشح مستقل لان المسئولية و التكلفة كبيرة و هنا كل شيئ منتهي .
اي ان اترشح عن طريق الحزب فالفرصة كبيرة .
والمثل صحيح انا و اخويا علي ابن عمي و انا و ابن عمي علي الغريب .
هذه نصائح ومساندة لوالدك .

السيد محمد محمود
انت بتقول لا يمكن وضع مقارنة بين الدكتور والحاج
(المقارنة دى على اساس)
معظم الناس كانت عارفة ان الدكتور مش هينجح
لانه بالعربى مش عامل جديد ومحدش شايفه ف البلداصلا
وبتقول ان الحاج لازم يرشحه الحزب علشان يدخل الانتخابات
( طايب الحزب رشح الدكتور.........)
اخر حاجة عايز اقولها ليك (ياريت نعرف حضرتك مين

بالراحه لابد من ان نعترف ان الدكتور عبد الرازق شخصيه محترمه ولازم ونعيد ونأكد انه شخص نظيف
وعلى فكره المقارنه مش بين الحاج عبد الوهاب والدكتور
عشان هما التنين ناس محترمه وربنا يوفق الكل

وبعدين يا عماد احنا معاك فى افكارك بس مع بعض الاختلافات لتى لا تفسد للود قضيه
وبرضوا كل واحد وليه رأيه الى لازم نحترمه ارجوك عشان ده عيزينو من سياسات المنتدى
عشان محدش يقول اننا بنغلط فى د على النت الناس كلها محترمه

الاستاذ/ عماد محمود
المقارنة ليست بين شخص و شخص و لكن ردي ان الدكتور عبدالرازق لايمكن مقارنته
بأحد علي مستوي الغرب و محافظة قنا كلها.
شخصية قيادية تولي مناصب عليا ومشهود له بنظافة اليد و يحترم الصغير قبل الكبير.
سمعت من شخص لا يعرف الدكتور ابدا و هذا الشخص مسئول بالقاهرة و طلب من هذا
الشخص ان يدله علي من يستطيع انهاء موضوع لدي مسئول كبير في الحكومة.
ماذا قال قال لن يستطيع انهاء هذا الموضوع الا واحد اسمه الدكتور عبدالرازق السنبسي
له احترامه لدي القيادة السياسية .
فلنفخر جميعا بالدكتور عبدالرازق السنبسي
اما الانتخابات فهي عملية معقدة و ليس لها معايير .
و اشكر الاستاذ/ وليد ابوالشيخ لفهمه العميق و توضيحه للامر .

شكرا لاخ محمد محمود الزي لااعرفه فعلا الدكتور عبدالرازق السنبسي
لايقارن باحد في الجمهريه

شكرا ليك ياوليد على تعليقك الهادى الرزين
وشكرا ياطلعت ولو انك مبالغ ف تعليقك
بس اخر سؤال انت مجاوبتش عليه يا استاذ محمد
( عايوين نعرف حضرتك مين؟)
لانك بتتكلم ف مواضيع تخص البلد
وشكرا

ايه ياعماد عرفت مين محمد محمود ولا اقولك ومستغربش من كلام طلعت
ولا انت كنت مستنى من طلعت حاجة غير كده وطلعت كمان قصر شوية فى اللى
قالـــــــــــــــــــة المفروض كان زودها شوية احسن حد يلوم علية

السلام عليكم ورحمة الله وبركاته
طبعا دي أول مرة أتكلم فيها علي منتدي أبناء بلدي الوقف والسنابسة وأنا سعيد جدا بابن البلد محمد فوزي لأنه جمعنا مع بعض مع أفكار الشباب الطموحة والراغبة في التغيير
أنا عاوز أتكلم بس في موضوع الانتخابات القادمة بأذن الله
بداية أنا مع أي حد يترشح من بلدتي الحبيبة الوقف والسنابسة حتي لو مش هياخد غير صوتي بس انا معاه والنتائج ع الله
ثانيا بخصوص السيد الكتور عبد الرازق السنبسي فهو رجل 25 عاما نيابيا مع الاختلاف أو الاتفاق معكم ع شخصه لكنه انسان محترم ونزيه ولم نسمع مثلا انه اعتدي علي اي حد زي بعض الاعضاء مثلا......
ثالثا الحاج عبد الوهاب السنبسي انسان محترم جدا ولا يقل عن أبناء السنابسة المحترمين وذات الصيت الطيب في خارج البلدة وأقول له كلمة واحدة فقط ( لو أراد الله أن يجتمع الناس جميعا علي انسان واحد لكان هذا الانسان هو نبي الله محمد صلي الله عليه وسلم فسر علي بركة الله ونحن معك بأصواتنا)
أخيرا اقول كلمة لكل واحد في المنتدي
عماد: حبيبي وصديقي أرائك معبرة وممتن لصداقتك.
محمود فهمي : هو قاعد جنبي وانا بكتب دلوقت.
محمد فوزي: رائع ع المجهود ونرجو مزيد من التطوير في الخلفيات.
عمرو عبد الرازق: مبروووووووووووووووك وعقبالك.
وليد الشيخ: أنيق المنتدي بآرائه وتعبيراته.
مصطفي حامد: شخصية جميله وأحسست أنك من أبناء الوقف في الفرح.
طلعت: لا تسئ الفهم ولا تحور الكلام
مصطفي محمود: الطير المهاجر وزميل المهنة(وحشتني).
حمادة مرسي: المبــــــــــــــــــــــــــدع.
أخوكم عمرو سعد أبو اليزيد
ترقبوا موقع لأبناء الوقف والسنابسة حتي يكمل مسرة الشاب الواعد محمد فوزي

السلام عليكم ورحمه الله وبركاته
اولا انا بارحب بكل من الاستاذ احمد القط وطبعا بحبيبى عمرو سعد
ثانيا يا استاذ احمد اسمحلى بالراحه عشان طلعت ليه رأيه الى ارجوكم لازم نحترمه
عشان اكيد هو ليه نظره والواضح انه فى خلفيه بيتكلم بناء عنها وبصراحه حتى انا لو اختلفت معاه او اتفقت فلازم احترم رأيه عشان المنتدى ده لازم يكون بيعبر على الواقع يعنى اكيد هاتلاقى فيه معارضه وفى ناس بتأيد ودى حلاوه الموضوع
وانا نفسى ان احنا نختلف مع بعض بصدر رحب ونحترم اراء بعض عشان نبقا فعالين ومأثرين
ولازم نعرف كل الاراء عشان نعرف نأثر فيهاوبالراحه خالص
واخيرا شرفتوا المنتدى بجد (احمد)(عموووووووور) ويارب تستمروا معانا عشان نبقى متابعين مع بعض كل المواضيع

السلام عليكم ورحمه الله وبركاته

فى الاول مرحبا بيك يا متر / احمد والاستاذ عمرو نورتوا المنتدى
ثانيا الاختلاف فى الراى لا يفسد للود قضيه
واحنا هنا كل واحد فى المنتدى بيقول رأيه بصراحه لانه فى الاول والاخر احنا عاوزين مصلحه البلد مش اكتر من كدا ولا انتوا ايه رايكم

اهلا باخويا وصديق عمرى عمموور
وصديقى وجارى المتر احمد
ونورتونا وشرفتونا
بس فعلا انا حاسس ان الاخ محمد محمود مش عايش ف البلد
(اقصد مش حاسس بالناس)
وطلعت مش عارف ايه ف دماغه
وانت ياعمرو اتغيرت عن الاول بكتير
يمكن علشان المنصب بتاعك مثلا
عمووووووور عايز صراحة عمرو ابواليزيد
واخيرا يامتر ياريت تقوللى مين محمد محمود

ياريت يامتر تقوللى مين محمد محمود

السلام عليكم جميعا
أولا : أرق المشاعر وأطيب الأماني بالتوفيق وكل الود والتقدير للأخ عمرو سعد وليعلم ما أصبحنا طيورا مهاجرة إلا من واقع أليم ومستقبل غامض وحياة كبحر هائج متلاطم الأمواج واليالي مظلمة وما آن بعد لنور الفجر أن ينبعث والله نسأل أن يرزقنا طوق النجاة أن ينير دربنا أجمعين
ثانيا : نظرا لوجود بعض الآراء حاليا في المنتدي التي أختلف معها كليا ولا اعتقد ان المناقشة سوف تؤدي الي تغير قناعة اي منا برأيه وتفكيره وإعمالا ب " طوبي لمن ترك المراء ولو كان محقا " والمقصود بالمراء هو الجدال ولكن لا استطيع ان امنع نفسي من التعبير عن رأي في هذه المساحه من الحرية التي سمحت لنا في وقت تهمشت فيه الحريات واصبحت من الكماليات وقد تنقلب إلي المحظورات
المهم استفادة بالمتاح وما لايدرك كله لا يترك كله رأيت في موضوعي السابق كيف تتم صناعة الغباء ؟ خير رد ووصف للواقع الحالي الذي نعيشه
بل اصبحنا كالببغاء نردد مانسمعه بدون ان نفهمه
ولكم مني سلام
وإليكم نسخ الموضوع :

كيف تتم صناعة الغباء؟

مجموعة من العلماء و ضعوا خمسة قرود في قفص واحد

و في وسط القفص يوجد سلم و في أعلى السلم هناك بعض الموز





في كل مرة يطلع أحد القرود لأخذ الموز يرش العلماء باقي القرود بالماء البارد جدا

بعد فترة بسيطة أصبح كل قرد يطلع لأخذ الموز, يقوم الباقين بمنعه

و ضربه حتى لا يرنشون بالماء





بعد مدة من الوقت لم يجرؤ أي قرد على صعود السلم لأخذ الموز على الرغم من كل الأغراءات خوفا من الماء

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد



فأول شيئ يقوم به القرد الجديد أنه يصعد السلم ليأخذ الموز

ولكن فورا الأربعة الباقين يضربونه و يجبرونه على النزول

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب

قام العلماء أيضا بتبديل أحد القرود القدامى بقرد جديد

و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب

و هكذا حتى تم تبديل جميع القرود الخمسة الأوائل بقرود جديدة



حتى صار في القفص خمسة قرود لم يرش عليهم ماء أبدا

و مع ذلك يضربون أي قرد تسول له نفسه صعود السلم بدون أن يعرفوا ما السبب

ولو سألنا القرود لماذا يضربون القرد الذي يصعد السلم؟

اكيد سيكون الجواب : لا ندري هذا ما وجدنا عليه آباءنا !

هل يذكركم هذا القول بفئة من الناس !!!!

الان علمنا كيف يصنع الغباء فهل يا ترى سنأخذ على عاتقنا صنع الذكاء في اطفالنا و فلذات اكبادنا ومرؤوسينا في العمل حتى نفتح لهم المجال للابداع ولا نقودهم الى ما قاد نا اليه بعض أجيالنا السابقه!!

هناك شيئين لا حدود لهما ... ذكاء الإنسان و غباؤه

انتا عارف ليه خلى الموزه فى اعلى قمه القفص والقرود اسفل القفص علشان يعرفك العالم انه عالى بعلمه وليست برش الماء البارد وعارف القرود ليه بيترشو بالماء لانهم اغبياء ما هو العالم لو عاوز يعطيك الموزه ممكن ينزلهالك تحت وعاوز يعرفك انه فى سهل وفى صعب ولكن الاصعب او اللى القرود بيتعاملو بيه لا اهى الموزه فوق ممكن نطلع السلم ونجيبها بس ده غباء لانه هو ده السهل الممتنع بس ممكن يجبوها بطريقه ما من غير ميترشوا بالماء البارد