حوار مصري جدا

حوار مصري جدا

يقال إن87%من الشعب المصري ساخطون
على
الحكومة المصرية... ما تعليقك؟

الـ 13% الباقيين معاهم جنسيات أخرى.





تقرير
:45% من الشعب المصرى مصابون بمرض
السكر.. ما تعليقك؟

آدى اللى خدناه من"الحلواني"اللي بنى مصر.





ما أهم مظاهر
الفهلوة عند
المصريين؟

انهم يشكون فى الشحات .. ولا يشكون في النصاب.





بعد اضطهاد النادى الأهلى الواضح
لنادى الزمالك

ماذا تتوقع لجماهير الأخير؟

أتوقع أن نقرأ قريبا أخبارا عن زملكاوية المهجر.





ليه الحزب
الوطنى بيعمل اعلانات لنفسه مع ان البلد كلها بتاعته؟

زى ما شبكة الأوربت بتعمل اعلانات لنفسها على شاشة الأوربت.





ما
الفرق الأهم بين مصر وأمريكا؟

ان عائد السياحة من الهرم المزيف الموجود فى لاس فيجاس

أضعاف عائد السياحة من كل أهرامنا الحقيقية.





ما أهم قاعدة موجودة فى مصر؟

ان مفيش قاعدة لأي حاجة





ما
وجه الشبه بين السد العالى وقانون الطوارىء؟

الاثنان مصدر"للكهرباء!!!".





لماذا يطلق المصريون على زوجاتهم لقب"الحكومة"؟

لصعوبة تغييرها مهما تسببت في كوارث.




ليه أكتر ناس بياخدوا مواقف معارضة جريئة هم الناس بتوع الغزل والنسيج؟

لأنهم طلعوا من هدومهم.





امتى بتحس ان البلد حلوة؟

ما باحسش ان بلدنا حلوة غير لما داليدا تقول:

"حلوة يا بلدى"(بغض النظر انها قالتها وانتحرت)





امتى هناكل جوافة من انتاج
مزارع
توشكى؟

في المشمش !





هل لك أقارب استشهدوا فى الحرب؟

لأ عندى أقارب
استشهدوا فى السلام

"السلام 98".








ما تعليقك على أن المصريين لا يتحدون الا لما يكون المنتخب بيلعب؟

الاستاد هو الحل!







ما الدليل على أن مصر بلد الامان؟

الدليل ان الواحد بيتردد كتير قبل ما يدخل أي قسم شرطة.





ما الفرق بين الزوجة المصرية والزوجة الأوربية؟

0 4 كيلو جرام على الأقل.





بماذا ستجيب كمصرى عند سؤالك عن عمرك فيما أفنيته بعد عمر طويل؟

أفنيته فى اشارة قصر النيل مستنيها تفتح


وفى صلاح سالم مستنيه يتحرك

وعلى كوبرى أكتوبر مستنى لما رئيس الوزراء يروح.






من هم المستفيدون من الزحام الذي
يسيطر على شوارع القاهرة؟

شركات المحمول ، كله واقف فى الاشارة ماسك الموبايل ، بيخلص شغل أو يعتذر عن التأخير

ثم الإدارة العامة للمرور"مخالفات استخدام المحمول أثناء القيادة".

ثم الشركة الشرقية للدخان حيث يتزايد معدل الحرق على سبيل"التنفيث".

فالهيئة العامة للبترول حيث يتزايد حرق البنزين على الفاضى أثناء
الوقوف

وبالتالي يصبح المستفيد الخامس هم أطباء الأمراض الصدرية.





ليه بيقدموا الساعة ساعة عندنا فى الصيف؟

علشان دي الحاجة الوحيدة اللي أصبح ممكن نتقدم فيها.



أين يمكنك أن تلاحظ سوء نية المصريين؟

عندما يغنون للطفل البرىء قائلين.... يارب يا ربنا"تكبر وتبقى زينا".

وعليكم السلام ورحمة الله وبركاته

بارك الله فيك

ومن البلية ما يضحك !!

الاستاذ/ عمرو
اري ان لاتجعل بالمنتدي و هو في بدايته مثل هذا الموضوع
و السخط و الرضاء موجود في كل الدنيا
لو سالت اي واحد من اي دولة ستجده ساخطا وهذه سنة الحياه
مهما قلنا فان حالنا الان احسن كثيلرا من غيرنا وربنا يديمها
نعمة علي الجميع .
اقول هذا حرصا علي المنتدي .

السلام عليكم ورحمة الله وبركاته
موضوع جميل وشيق ونقد لاذع ياعمرو
دايما موضوعاتك مميزة
بالنسبة للأخ محمد محمود نفسي اعرف حاجه واحده بس مين هما اللي غيرنا ؟!!!!!!!!!!!!!!!!!!!!!!!

السلام عليكم ورحمة الله وبركاته

لا يا مصطفى اناعاوز اعرف حاجات تانيه منه

1- الاستاذ محمد محمود من أنت
2- زى ماقال مصطفى مين هما اللي غيرنا ؟

ياعمرو انا ميهمنيش مين هوا بس ده بيحسسني اني عايش في كوكب تاني
او في بلد تانيه بلاد الواق واق
المهم ماعليييييييييييييييييييييييينا

لا يا مصطفى يهمنى اعرف مين لانه السؤال ده اتوجه له اكثر من مره
وعلى رأى مش عارف مين ( انتا اكيد من عالم تانى )