طلب الى مصمم الموقع ( نقد بصراحه )

الموقع جميل وكل شىء منظم بس ينقصه الكثير فارجو منك متابعه التطورات والالوان كثيره وغريبه
اسف على الصراحه دى وياريت لو تعمل تصويت على الكلام ده ( هايفه حكايه الالوان ) بس لازم عشان ده واجهه للموقع

كريم

ممكن ارد عليك انا

هو مصمم الموقع محمد فوزى وهو دلوقتى مشغول بالمذاكره لانه بالفرقه الثالثه ثانوى عام

وانشاء الله بعد ميخلص من الامتحانات هايجرى بعد التعديلات على المنتدى

وشكرا للمتابعه

انا بقصد فى ( هايفه حكايه الالوان )
ان انى اناقش الكلام ده هيافه من
مش اختيار الالوان منكم

وانا وانتا وهو ايه كلنا فى المنتدى واحد
وشكرا على المتابعه السريعه دى

ربنا اغفر لنا وارحمنا وادخلنا الجنه واجرنا النار واجرنا الشيطان وشركه

السلام عليكم ورحمة الله وبركاته
السادة الاعضاء الكرام وعلي رأسهم الاستاذ كريم أبو الشيخ
أولا شكرا للاستاذ عمرو عبد الرازق علي رده علي الموضوع
ثانيا زي ما قال عموووووووور معلش أنا دلوقتي مشغول شوية بس ان شاء الله في اول الاجازة ستم تجديد كامل في شكل المنتدي والوانه وتصميمه وتطويره ليتناسب مع هذه النخبة من الاعضاء وهذا الكم من الموضوعات
واخيرا اتمني لكم التوفيق داخل المنتدي وخارجه
والي لقاء جديد مع مظهر المنتدي الجديد بعد حوالي ما يقرب من شهر من الان

وسلامي لكل اعضاء المنتدي
محمد فوزي

يا محمد احنا مش قلنا بلاش استخدام الالقاب فى المنتدى ولا ايه

يا أ / عمرو هو انتلازم كلامك لازم يمشى علينا يعنى ولا ايه سيبك من الحكايه دى

لا والله يا كريم
اصلى الموضوع كان من الاول وكلو بطل الالقاب بس رجعت تانى مش عارف ليه
وعادى يا أ/ كريم

كل الشكر والتقدير لكريم

ان شاء الله زى ما حضرتك طالب كل كلامك هيمشى بس بعد ما يخلص محمد فوزى الامتحانات

ان شاء الله المنتدى هيطور 360درجة

وندعو لمحمد فوزى بالتوفيق

كريم كتب:: يا أ / عمرو هو انتلازم كلامك لازم يمشى علينا يعنى ولا ايه سيبك من الحكايه دى

ايه يا كريم كلامك ده

ده عمرو ذوق قوي و يعرف يرد عليك برده بذوق

و انت عمرك ما كنت عصبي يا كريم و اخلاقك كده

انا شاكك انك لسه بتشجع الزمالك

هههههههههههههههههههههه

تحت امرك يا كريم

ان شاء الله حنطور المنتدى احسن من كده

بس الموضوع محتاج شوية و قت و ترتيب

سلامي لكم جميعاً

شكرا يا أ / حماده
ده انت كلك ذوق
اكيد اهلاوى

وعشان خاطرك يا ا/ حماده ( h )
وتدخلك الرائع لحل المشاكل والسيطره الجامده دى بصراحه انا منبهر بالكلام الى بيحصل ده فى المنتدى بجد روعه
( المهم كل الشكر والتقدير للمهندس ان شاء الله / محمد فوزى وربنا يكرمك ويوفقك فى الامتحانات

وبردو يا ( h ) كلك ذوق وحرفنه وسيطره

سلام عليكم ورحمة الله وبركاته

حماده كتب :
و انت عمرك ما كنت عصبي يا كريم و اخلاقك كده

الكلام ده بجد من انسان غايه فى الهدوء والسيطره والحرفنه والخبره طبعا ( مراقب عام المنتدى )
واكيد لازم كلامك يكون فى حد مراقب عليه ان شاء الله يكون فى رئيس مجلس المراقبين ( يرد على الاسلوب الرائع ده من المراقب العام )

السلام عليكم

انا واحد من الناس الى باحترم اى رأى يتقال فى المنتدى وبصراحه كريم ده رأيه ولابد ان يحترم
من الاعضاء ودى سياسه المنتدى
واذا كنا مش بنحتمل النقد يبقى نقفل المنتدى بس دى فكره مش مطروحه
المطروح ان احنا نحترم اى راى

وبعدين يا استاذ حماده كريم ما غلطش فى عمرو وما قالش عليه انه مش ذوق هو قال رايه
ورأيه لازم يحترم
عشان احنا بنحترم راى اى حد فى المنتدى
وشكرا

على العموم يا أ / عمرو
انا اسف لو فى زعل حتى لو كان زعل بسيط لان لازم مايكونش بينا اى زعل حتى لو بسيط وربنا يتقبل منا ومنكم صالح الاعمال وربنا يرحمنا اجمعين

انا اعتزرت عشان بس اخلاقنا كلنا المسلمين لازم تكون محترمه وطيبه
وزاى المراقب ما قال على اخلاقى الى تدهورت دى فالحمد لله ان فى حد مراقب اخلاقى عشان اصلح منها وربنا يرحمنا اجمعين والحمد لله على كل شىء وربنا ان شاء الله يقوم اخلاقى لتكون مناسبه للتعامل مع الناس
الموضوع بسيط بس التدخلات الغير مناسبه فى التعليق طورت الموضوع بشكل جيد
فارجو من المراقبين مراعه الاحترافيه فى العمل لانه عمل وليس تشريف والزائرين يرو تعاملاتنا مع بعض فارجو من الله ان يرشدنا الطريق الصواب

ايه يا جماعة الموضوع سخن ليه كده منكم ............. يا عم أحنا مش عايزين اي حد يكون زعلان وانا مش شايف اي اختلاف في الموضوع او زعل ده كان مجرد حوار بين أ / كريم وأ / عمرو ................. وبعدين معقول اننا نزعل من بعض
في المنتدي واحنا في بداية الطريق الصحيح ، وان شاء الله نكمل علي كده علي طول ........... وعايزين ايدكم معانا
وبعدين الي يشوف كلامكم يحس انه في خلاف بين أ / كريم وبين عمرو وده مش صحيح نهائيا
وعايزينا نسيب موضوع انتخابات مجلس الشعب والمواضيع المهمة ونقضي معظم الوقت في الموضوع ده
أنا متأكد بإذن الله انه الموضوع ده محدش زعلان منه لانه بصراحة مفيهوش حاجة تزعل غير اختلافات بسيطة واحنا أكبر منها بكتير ولا ايه رايكم
ياريت ميكونش في حد زعلان والي يكون زعلان حقه عليا أنا
**********************************************************
وعلشان منرجعش للموضوع ده تاني أنا باقترح اننا نحول الموضوع ده الي نقد مفتوح للمنتدي وياريت اي حد عنده اقتراح للمنتدي يتفضل يعرضه والي مش عاجباه حاجة يقول عليها
وانتظروا المنتدي في شكل جديد تمام قريب جدا جدا
والسلام عليكم ورحمة الله وبركاته

على فكره كريم صديق حميم ومش كريم اللى انا ازعل منه و احنا كلنا اخوات واصحاب اذا كان كريم ده صديق من زمان من ايام مصطفى سعد ومصطفى محمود وممدوح منصور و وائل نبيل و محمود عمران فاكر يا كريم

ووليد ده حبيبى وصديقى وكلنا اخوات وده نقد فمحدش يزعل امال احنا عاملين المنتدى ده ليه
علشان نتعرف على بعضينا ونعرف رأى كل واحد فينا ونحل مشاكلنا ومشاكل البلد ومصالح البلد يعنى فى الاخر كلنا بنجرى وراء هدف واحد وهو مصلحه البلد فكدا احنا كلنا مصلحتنا واحده ولا ايه رأيكم وعلى فكره انا صريح جدا الوحش بقوله وحش فى وشه وانا الناس كلها كويسه هنا فى المنتدى
وربنا يوفقنا وياكم

حبيبي الغالي أستاذ / كريم

و الله واحشني

و أهنئك أنت الوحيد اللي فهمت قصدي

لأني كنت بأسخر من كلمة زملكاوي فعلاً

و كريم لو أخطأ يعتبر كلنا أخطأنا

و أنت عارف يا كريم إنني بدافع عنك في شتى الميادين مش في المنتدى بس

و أصلاً لكل اللي ردوا كل حبي لكم

بس عايز منكم شوية صبر و تريث في القراءة

حتى يفهم ما أقصده

و جميعكم يعلم جيداً كيف أنا ................ تقريباً زي ما قال كريم

واخد بالك يا عمرو ...................... و الله وحشتني

و أنت بالراحة يا أ/ وليد

ده أنت حبيبي قوي ولا عندك شك في كده

و أنا مشاركاتك الإيجابية مش الكروية دي

و بلاش موضوع فاوي

لأ بيقول فاول

أوعى يكون نسيت الأيام الحلوة دي يا وليد

و عايزك تحفظ شئ مهم في دماغك يا وليد

نحن لا يوجد بيننا أي إنسان غير مهذب

و كلنا و لله الحمد أولاد ناس محترمة و متربيين كويس

بس بصراحة يا وليد بأحب أقرأ ردودك كلها

لأنها بتذكرني بيك و بحلاوتك

بس ناقصة حاجة مش موجودة فيك زي زمان

فين الفكاهة و المرح بتاعك يا جدع

و اللا الغربة يا وليد حتأثر علينا كلنا

يا وليد شد حيلك و خللي بالك من نفسك و حاول تتواجد معانا على المنتدى

ده انت حتى سادد مكاني في غيابي

و خاصة في المواضيع الثقيلة

أتمنى أن أراك على خير يا و ليد

ان شاء الله يا حماده وربنا يرجعك بالسلامه
بس انا كنت زعلان شويه بس خلاص

راحييييييييت

ليه ياجماعه نحط السم في العسل وبعدين نرجع نقول مكانش قصدي ياريت نفضل حلوين مع بعض لان المنتدي ده بيقربنا من بعض الموجود في البلد والغردقه والمسافر خارج الدوله كلنا بنطمئن علي بعض من خلال المنتدي

يا عم طلعت الموضوع خلص خلاص متقلقش الكل هنا علشان نقرب من بعض زي ما بتقول

المهم مافيش زعل بين الناس
وأ/ عمرو الف مبروك
وأ / حماده مافيش زعل بينا
والمهندس محمد الف شكر على التعديلات الجميله دى
وصفحه جديده على بركة الله تقرب الكل من بعض ومافيش سم ولا عيش

الله يبارك فيك يا ا/ كريم وعقبالك كدا ان شاء الله

» الموقع الاول للـ icdl في مصر
» الموقع الرسمى لقناه الرحمه ادخل وسجل واشترك