هاتدى لمين صوتك فى الانتخابات

ممكن تفكر الاول ومتجوبش بسرعه وخد وقتك فى التفكير مش عيب والتحليل برضو مش عيب متبصش لمصلحتك انت بس ولا أقولك بص لمصلحتك مش عيب
لكن تعرف ايه العيب انك تاخد قرار تندم عليه
وأوعى متشاركش لا لازم تشارك متسيبش حد يخدلك قراراتك افترض جيه واحد مش عايزه هتدايق قوييييييييييييييييي
وافترض انك رحت اديت واحد وص\سقط برضو هاتدايق بس مش قوى وده عشان هاتلاقى مبرر لنفسك ممكن تقول تزوير أو أى حاجه بس متصوتش وتقول تزوير ده عيب عليك انت مش حد تانى
روح وجرب يمكن تصيب معاك المره دى

لكن نرجع لسؤالنا هاتدى صوتك لمين
واحد بيقولك (صوتك أمانه ممكن تجيبه)
محسسنا ان صوتك واحد معين مديهولك على سبيل الامانه وهاتديهوله كل مره
وعشان هو عارف انك هاتديهوله مش معبرك ومش بيبص عليك وحاسس ان هو من كوكب واحنا من كوكب تانى لو لاقى عدل عليك مش عايز اكمل عشان انا خدتنى العصبيه شويه لكن متفهمونيش غلط انا مش باقصد حد معين انا باقصد الى مبيفكرش فى كبنى ادم
لازم كلنا يبقا صوتنا واحد احنا بنى ادمين لينا حقوق ولينا حق على البنى ادمين الى زينا
( وبعدين صحى وليد من النوم وشرب ميه وقال أعوذ بالله من الشيطان الرجيم أكيد كنت باحلم وفاكر نفسى مصطفى كامل)
انت ايه رأيك فى الموضوع ده مش هاسألك هاتدى صوتك لمين

انا مش عارف اقولك ايه
ادى صوتى لفلان ولا لفلان لانه ممكن يعمل حاجه ولا لفلان اخر
بس فى الاخر لو فكرنا بعقل وسيبك من اللى ممكن يخدم واللى مش بيخدم البلد وهو قالها العضو مصطفى حامد فى احدى موضوعاته المهم الكرسى ميخرجش بره البلد لانه لو خرج ممكن منعرفش نرجعه بسهوله .

أحنا الحمد لله مليناش حق التصويت علشان خراج الوطن تخيلو ا انه في انتخابات الرئاسة السودانية السودانيين راحوا السفارات يصوتوا

أهم حاجه ان احنا نفكر مش مهم الانتخابات
مش مهم الدوره دى ولا الى بعدها المهم ان احنا نفكر
وبردو هاتدى لمين صوتك
انت عايز ايه فى المرشح الى ممكن تنتخبه

محمد فوزي كتب:

انه يكون عايش وسطينا واننا نلاقيه وقت ما نحتاجه وانه يقدم خدمات علي قد ما يقدر للمحتاج ولمن يستحق الخدمة

رد بسيط منك يامحمد بيعبر بصدق علي اللي احنا محتاجينه

طيب يا وليد انت قصدك على انتخابات الشورى ولا الشعب.........

على فكرة انا عاوز اطلع من السؤال بس لازم ارد ...انا عارف انك على قصدك على انتخابات الشورى بالنسبة لاول صوت لازم تدى ابن بلدك حتى لو كان معاك خصومات معاه لازم تعطى ابن بلدك وبعدين ابقى فكر فى الغريب اللى بره البلد وعمرو عبدالرازق وضح كلامى

انه فعلا لو الكرسى طلع من البلد من الصعب يرجع تانى