السادة الاعضاء يسعي الكل منذ فترة والي الان الي تجميع البلد علي رأي واحد وكلمة واحدة
تكون في جانب المصلحة العامة وليس لاي مصالح شخصية
نجتمع ثم نفكر ثم نتحاور ثم نقررثم نتفق علي القرار المناسب
وبخصوص موضوع الانتخابات انا شفت موضوع لاحد الاعضاء بيقول اننا نجتمع حوالين الحاج عبد
الوهاب وده كمبدأ غلط انك تجتمع علشان فرد معين .
ولكن الفكرة هي انك تتجمع
لانك لو اتجمعت علشان خاطر شخص من الممكن ان يفرقك شخص
ولكن لو اتجمعت علشان خاطر مصلحة عامة من الصعب ان يفرقك أحد
وعموما الحاج عبد الوهاب شخص محترم ولا يختلف عليه اثنين
وان شاء الله لو الناس قدرت تتجمع علي راي واحد يكون الحاج عبد الوهاب أول فرض يستحق الوقوف بجانبه ومن بعده تكتمل المسيرة لنساند اشخاص اخرين يسعوا ايضا للمصلحة العامة
ولو حدث هذا سنقفل كل الطرق علي من يسعي لمصلحة شخصية علي حساب المصلحة العامة
ولو حد مختلف معانا في فكرة الاجتماع يتفضل يقول مش عايز نجتمع ليه
أما لو شخص مختلف علي نزول الحاج عبد الوهاب الانتخابات نسمعله ونشوف رايه
ونشرحله احنا ليه اخترنا واحد زي الحاج عبد الوهاب علشان نوقف وراه وكل فرد ليه حرية ابداء رايه ولتكن وجهة النظر الصحيحة والتي يستطيع صاحبها ان يبررها بأسباب منطقية صحيحة
بدلا ن حرب الشعارات والكلام الي مش بيقدم ولا بيأخر
ولو في حد مختلف معايا في الموضوع ده يتفضل يعرض رايه ولكن دون التجريح في أحد

