انا مصرى وبحب مصر

....اخوتى مديرى ومراقبى ومشرفى واعضاء المنتدى الكرام...
....يسعدنى ان اخط لكم رائعة الشاعر الكبير الاستاذ...احمد فؤاد نجم...وهى بعنوان..
................................انا مصرى وبحب مصر.................................

...............انا مصرى ابن مصرى وليا الشرف
...............برغم المهانة برغم القرف
...............برغم الزبالة اللى ماليه الشوارع
...............برغم الفساد اللى بيه اعترف
...............سمو معالى رئيس الوزراة
...............نتيجة موظف بسيط انحرف
...............برغم المجاعة اللى داخلين عليها
...............وفينا اللى عايش حياته فى ترف
...............برغم البطالة فى اوضة وصالة
...............برغم اخر جنيه انصرف
...............برغم طابور الصباح السخيف
...............وكل منايا يادوب كام رغيف
...............برغم اسايا لمنظر عشايا
...............واقول مش مهم ياواد نام خفيف
...............برغم انى شايف بلاوى وساكت
...............وعايش مطنش كانى كفيف
...............برغم وزارة رئيسها حرامى
...............وشوف البجاحة يقولوا نظيف
...............برغم السلام اللى غرقت بناسها
...............برغم العيال اللى ساكنة الرصيف
...............برغم حكومة شعارها الكلام
...............ورغم رئيسنا عليه السلام
...............ورغم ان كله عالم بيغلى
...............الا كرامتى بترخص قوام
...............برغم انى عايش فى بلدى فريسة
...............ووجبة شهية لبعض اللئام
...............برغم ان كل تاريخك يابلدى
...............فعهد جنابه كلام فوق رخام
...............برغم ده كله يامصر بحبك
...............وطظ فيهم ودا اخر كلام
........................
...............ارجوا ان تحوز هذه الرائعة اعجابكم....
.............شعر الشاعر الكبير....احمد فؤاد نجم......
..........اخوكم..عبدالمنعم الامير السنبسى...

دى حلاوة شاعرنا المبدع...احمد فؤاد نجم..وشكرا لمرورك